Rashi Bhavishya : आजचे राशीभविष्य - २२ डिसेंबर २०२१; नोकरीत अनुकूल परिस्थिती, नवी संधी मिळेल
By ऑनलाइन लोकमत | Published: December 22, 2021 07:32 AM2021-12-22T07:32:02+5:302021-12-22T07:32:22+5:30
Todays Horoscope 22 December 2021 : जाणून घ्या कसा असेल तुमचा आजचा दिवस...
Rashi Bhavishya : आजचे राशीभविष्य - २२ डिसेंबर २०२१; नोकरीत अनुकूल परिस्थिती, नवी संधी मिळेल
Next मेष – घरात मंगलकार्य ठरण्याची शक्यता आहे. त्या दृष्टीने हालचाली होतील. एखादा कौटुंबीक कार्यक्रम आयोजित केला जाऊ शकतो. भेटीगाठी होतील. नोकरीत अनुकूल परिस्थिती राहील. नवीन संधी मिळेल. मुलांना अपेक्षित संधी मिळेल. भावंडांचे सहकार्य मिळेल.
वृषभ – काहींना प्रवास घडून येतील. प्रवासात अनाठायी खर्चावर नियंत्रण ठेवणे आवश्यक आहे. रागाच्या भरात कोणाचाही अपमान करु नका. नोकरीत सामान्य परिस्थितीत राहील. हितशत्रू गुप्तपणे कायवाया करतील. मुलांशी संवाद ठेवा. त्यांना योग्य मार्गदर्शन करा.
मिथुन – आर्थिक आवक चांगली राहील. वडिलोपार्जित संपत्तीची कामे मार्गी लागतील. नवीन घर किंवा शेती खरेदी करण्यासाठी प्रयत्न कराल. व्यवसायात भागीदार चांगले सहकार्य करील. मनासारखे भोजन मिळेल. मुलांच्या अडचणी समजून घ्या.
कर्क – मनात आनंदी विचार राहतील. सकारात्मक दृष्टीकोन असेल. महत्त्वाच्या कामात यश मिळेल. जीवनसाथीशी नात्यात गोडवा राहील. तरुणवर्गाला प्रेमाक यश मिळेल. घरात खेळीमेळीचे वातावरण राहील. मुलांना अपेक्षित संधी मिळतील, त्यांचे कौतुक होईल.
सिंह – मुलांची प्रगती होईल. जोडीदाराशी वाद घालू नका. महत्त्वाच्या कामात अडचणी येतील. काही कामे लांबणीवर पडतील. काहींना प्रवास करावा लागेल. प्रवासात दगदग होईल. नोकरीत वाद होतील. खर्चाचे नियोजन करा.
कन्या – आपल्यावर धनलक्ष्मीची कृपा राहील. अनेक मार्गांनी धनप्राप्ती होईल. महत्त्वाची कामे मार्गी लागतील. अचानक एखादी चांगली बातमी कळेल. चांगली संधी मिळेल. नोकरीत तुमचे वर्चस्व राहील. घरात आनंदी वातावरण राहील. व्यवसायात धाडसी निर्णय घ्याल.
तूळ – नोकरीत अनुकूल परिस्थिती राहील. नवीन जबाबदारी अंगावर पडेल. त्यात आपल्याला फायदा होईल. काहींची बदली होऊ शकते. कामाचा ताण कमी होईल. घरात उत्साही वातावरण राहील. खाण्या-पिण्याची चंगळ राहील. भावंडांच्या भेटीगाठी होतील.
वृश्चिक – नशिबाची अनुकूलता तुमच्या बाजूने राहील. कामाचा ताण कमी होईल. महत्त्वाच्या कामात यश मिळेल. व्यवसायात विक्री चांगली राहील. वाहन सुख मिळेल. जोडीदाराशी वाद घालू नका. घरात एखाद्या व्यक्तीशी वाद होतील.
धनू – काहींना अचनाक धनलाभ होतील. आर्थिक चिंता राहणार नाही. महत्त्वाच्या कामात अडचणी येतील. थोडे संयमाने वागणे आवश्यक आहेय अति चिकित्सा करणे टाळा. प्रवास शक्यतो टाळा. प्रवासात दगदग होईल. मनासारखे भोजन मिळेल. जोडीदार चांगली साथ देईल.
मकर – विविध प्रकारच्या कामांना गती मिळेल. अडचणी दूर होतील. मनात आनंदी विचार राहतील. जोडीदाराची चांगली साथ मिळेल. जोडीदाराला भेटवस्तू देण्यास हरकत नाही. आर्थिक आवक चांगली राहील. जमिनीचे व्यवहार करताना खबरदारी घ्या.
कुंभ – चांगल्या व्यक्तींची कदर करा. महत्त्वाच्या कामात अडचणी येतील. दगदगीची कामे टाळा. आराम करण्याची गरज आहे. नोकरी, व्यवसायातील काल्पनिक अडचणींची काळजी करून स्वत:ला त्रास करून घेऊ नका.
मीन – धनलाभाच्या दृष्टीने चांगला काळ आहे. भेटवस्तू मिळतील. सहकारी मदत करतील. नोकरीत प्रगती होईल. घरात आनंदी वातावरण राहील. मुलांच्या यशामुळे उत्साह वाढेल. तुमच्या दयाळू वृत्तीचा गैरफायदा घेतला जाऊ शकतो.