Rashi Bhavishya: आजचे राशीभविष्य ५ एप्रिल २०२२; नोकरीत कामाचा ताण वाढेल, तुमच्या घरी आज पाहुणे येतील

Today's horoscope: कसा असेल तुमचा आजचा दिवस, जाणून घ्या...

राष्ट्रीय भारतीय सौर दिनांक चैत्र १५, १९४४. तिथी चैत्र शुक्ल चतुर्थ. (दुपारी ३.४६ पर्यंत), श्री शालिवाहन शके १९४४. शुभकृत नाम संवत्सर, नक्षत्र : दुपारी ४.४५ पर्यंत भरणी. त्यानंतर कृतिका रोहिणी : रास - वृषभ. आज : सामान्य दिवस. विनायक चतुर्थी, (अंगारक योग) : राहू काळ: दुपारी ३.०० ते ०४.३०. (राहू काळात महत्त्वाची कामे टाळा.)

मेष- महत्त्वाच्या कामात यश मिळेल. योग्य दिशेने वाटचाल सुरू राहिल. जाणकारांचे मार्गदर्शन मिळेल. धनलाभाच्या दृष्टीने अनुकूल काळ आहे. मनासारखे भोजन मिळेल, मालमत्तेची कामे मार्गी लागतील. अडचणी दूर होतील, लोकांचे म्हणणे ऐकून घेतले पाहिजे. 

वृषभ - मनात सकारात्मक विचार राहतील. अडचणीतून मार्ग निघेल. महत्त्वाचे काम करायचे असेल तर चांगला काळ आहे. नोकरीत अनुकूल परिस्थिती राहिल. विविध लाभ होतील. अनेकांचे सहकार्य मिळेल. जीवनसाथीशी सूर जुळतील. 

मिथून - दूरच्या प्रवासाचे योग येतील, पर्यटनाच्या निमित्ताने फिरणे होईल. महत्त्वाच्या कामात अडचणी येतील. आर्थिक व्यवहार जपून करणे आवश्यक आहे. स्वत:हून कोणाला सल्ला देण्याच्या भानगडीत पडू नका, अन्यथा मनस्ताप सहन करावा लागेल. 

कर्क - विविध प्रकारचे लाभ होतील. तुमचा ज्यांच्यावर लोभ आहे, असे लोक भेटतील. आर्थिक आवक चांगली राहिल. तुमचे महत्त्व लोकांच्या लक्षात येईल. मानसन्मान मिळेल. मनात सकारात्मक विचार ठेवा. लोक तुमच्या माघारी कौतूक करतील. 

सिंह - नोकरीत कामाचा ताण वाढेल. काहींना बदलीला सामोरे जावे लागेल. घरातील कामाचा पाठपुरावा करावा लागेल. सतत कार्यरत राहाल, वेळात वेळ काढून थोडा आराम करणे आवश्यक राहिल. घरी पाहुणे येतील. 

कन्या - भाग्याची चांगली साथ राहिल. अडचणी दूर होतील. काम करण्यासाठी उत्साह राहिल. महत्त्वाच्या कामात यश मिळेल. मुलांच्या यशाच्या वार्ता कानावर पडतील. जीवनसाथीचे चांगले सहकार्य मिळेल. आवडत्या छंदासाठी वेळ काढा. 

तूळ - मुलांशी संवाद साधला पाहिजे. त्यांच्या अडचणी समजून घेण्यासाठी वेळ काढा. नोकरीत तणाव राहिल. कामाचा व्याप सांभाळताना तारेवरची कसरत होईल. प्रवास शक्यतो टाळा, दगदग होईल अशी कामे नको. महत्त्वाच्या कामात अडचण येईल. 

वृश्चिक - ग्रहमान अनुकूल राहिल, अडचणीतून मार्ग निघेल. महत्त्वाचे काम हाती घेण्यास हरकत नाही. जीवनसाथी आपल्याला सांभाळून घेईल. भागिदारी व्यवसायात यश मिळेल. धाडसी निर्णय घेण्याकडे कल राहिल. मुलांना यश मिळेल. 

धनू - नोकरीत चांगली परिस्थिती राहिल. महत्त्वाच्या जबाबदाऱ्या अंगावर पडतील. कामाचा ताण वाढेल, आरोग्याची काळजी घ्या. महत्त्वाच्या कामात अडचणी येतील, वडिलधाऱ्या मंडळींचा सल्ला उपयुक्त ठरेल. नातेवाईकांच्या भेटीगाठी होतील. 

मकर - मुलांच्या यशाच्या वार्ता कळतील. त्यांना योग्यतेनुसार संधी मिळेल. प्रसिद्धी, मानसन्मान मिळेल. जीवनसाथीचे प्रेम मिळेल. एखादी भेटवस्तू देण्यास हरकत नाही. नोकरीत लाभदायक काळ आहे. व्यवसायात आपली वरचढ बाजू राहिल. 

कुंभ - नोकरीत धावपळ करावी लागेल. सतत कार्यरत राहाल. नवीन जबाबदारी अंगावर पडेल. कामाचे स्वरुप बदलेल. नवीन नोकरीच्या शोधात असाल तर संधी मिळेल. घरी पाहुणे येतील. खाण्या-पिण्याची चंगळ राहील. 

मीन - भावंडाच्या भेटीगाठी होतील. व्यावसायात विक्री चांगली राहिल. बाजारपेठेचे तुमचे अंदाज चुकू शकतात. जपून गुंतवणूक केली पाहिजे. नोकरीत दगदग होईल. मात्र, अनेकांचे सहकार्य मिळेल. मनातील काळजीचे विचार झटकून टाका.