Today Daily Horoscope: आजचे राशीभविष्य - २३ एप्रिल २०२२: ‘या’ ७ राशींना नोकरीत अनुकूल दिवस; आर्थिक आवक चांगली, अलभ्य लाभाचे योग

Rashi Bhavishya: जाणून घ्या, कसा असेल तुमचा आजचा दिवस..., काय सांगते तुमची राशी...

मेष: नोकरीत परिस्थिती सामान्य राहील. कामात व्यस्त राहाल. मनात संभ्रम निर्माण होईल. नवीन जबाबदारी अंगावर पडेल. नवीन नोकरीच्या संधी चालून येतील. घरी पाहुणे येतील. मित्रांच्या भेटीगाठी होतील. काहींना अलभ्य लाभ होईल. भेटवस्तू मिळतील. 

वृषभ: अडथळ्यांची शर्यत पार पाडाल. नशिबाची साथ मिळेल. प्रवास होतील. प्रसिद्धी, मानसन्मान मिळेल. तुमचे महत्त्व वाढेल. नोकरीत चांगली परिस्थिती राहील. सहकारी मदत करतील. आर्थिक आवक चांगली राहील. जीवनसाथी चांगली साथ देईल.

मिथुन: महत्त्वाच्या कामात अडचणी येतील. विघ्नसंतोषी लोकांमुळे मनस्ताप सहन करावा लागेल. प्रवास शक्यतो टाळा. वाहने जपून चालवा. काहींना अचानक धनलाभ होऊ शकतो. जीवनसाथीशी मधुर संबंध  राहतील. नोकरीत अनुकूल परिस्थिती राहील. अधिकारी वर्गाचे सहकार्य मिळेल.

कर्क: महत्त्वाचे काम करावयाचे असेल तर चांगला काळ आहे. भाग्याचे पाठबळ मिळेल. सर्वांचे सहकार्य मिळेल. कामे आटोक्यात येतील. भागीदारी व्यवसायात यश मिळेल. जोडीदार चांगली साथ देईल. नोकरीत तुमच्या मताला किंमत दिली जाईल.

सिंह: संमिश्र ग्रहमान राहील. महत्त्वाचे काम पुढे ढकलणे ठीक राहील. जोडीदार आपल्याला सांभाळून घेईल. तुमचे महत्त्व वाढेल. वेळेचे नियोजन नीट करा. आरोग्याची काळजी घ्या. आराम करणे आवश्यक आहे. फार दगदग करू नका.

कन्या: सामान्य परिस्थिती राहील. काही कामे मार्गी लागतील. काही कामात गरजेपेक्षा जास्त वेळ द्यावा लागेल. मुलांचे हट्ट पुरवावे लागतील. काही कारणाने प्रवास करावा लागेल. आर्थिक आवक चांगली राहील. नोकरीत सामान्य परिस्थिती राहील. 

तूळ: धावपळीचा दिवस राहील. घरी पाहुणे येतील. लोकांच्या संपर्कात राहाल. एखाद्या कार्यक्रमात सहभागी व्हाल. लोकांना मदत करण्यासाठी पुढाकार घ्याल. नोकरीत कामाचा व्याप सांभाळताना तारेवरची कसरत करावी लागेल. जोडीदार चांगली साथ देईल. 

वृश्चिक: धार्मिक कार्यात मन रमेल. नातेवाईकांच्या भेटीगाठी होतील. कार्यक्रमाच्या निमित्ताने प्रवास होईल. व्यवसायासाठी जास्त वेळ द्यावा लागेल. घरात खेळीमेळीचे वातावरण राहील. नोकरीत संमिश्र परिस्थिती राहील. आरोग्याची काळजी घ्या.

धनु: आर्थिक आवक चांगली राहील व्यवसायात विक्री चांगली राहील. मालमत्तेची कामे करताना खबरदारी घ्या. नातेवाइकांशी संवाद राहील. नोकरीत चांगली परिस्थिती राहील. एखाद्या सहकाऱ्याशी गैरसमज होऊ शकतात. आपले महत्त्व वाढेल.

मकर: नोकरीत प्रगतीला वाव राहील. विविध प्रकारचे लाभ होतील. आर्थिक आवक चांगली राहील. सहजासहजी चांगल्या संधी मिळतील. जोडीदाराच्या मर्जीचा मान राखा. घरात लोकांची ये-जा राहील. मनासारखे भोजन मिळेल. भावंडांशी गैरसमज राहतील.

कुंभ: साधक बाधक परिणाम दिसून येतील. प्रवासात काळजी घ्या. जीवनसाथीचे सहकार्य मिळेल. खर्चावर नियंत्रण ठेवणे आवश्यक आहे. आर्थिक आवक चांगली राहील. भावंडांच्या भेटीगाठी होतील. व्यवसायात विक्री चांगली राहील. 

मीन: ग्रहमानाची अनुकूलकता आपल्या बाजूने राहील. दगदग होईल. पण कामात यश मिळाल्याने कष्टाचे काही वाटणार नाही. विविध प्रकारचे लाभ होतील. महागड्या वस्तू खरेदी कराल. मुलांना अपेक्षित यश मिळेल. जोडीदार चांगली साथ देईल. 

- विजय देशपांडे (ज्योतिष विशारद)