आजचं राशीभविष्य- 10 जून 2021; जोडीदाराशी पटणार नाही; किरकोळ कारणावरून कुरबूर होईल

जाणून घ्या, कसा असेल तुमचा आजचा दिवस; काय सांगते तुमची रास

मेष - नोकरीत कामाचा व्याप वाढेल. कंटाळा येईल. आर्थिक आवक सामान्य राहील. भावनेच्या आहारी जाऊन निर्णय घेऊ नका. महत्त्वाची कामे पुढे ढकलली तर बरे राहील. भावंडांशी गोडीत बोला. आवडत्या विषयावरील माहिती सोशल मीडियावर शोधा.

वृषभ- आर्थिक आवक चांगली राहील. विविध मार्गांनी धनलाभ होईल. अनेक कामे मार्गी लागतील. व्यवसायात सामान्य स्थिती राहील. नोकरीत संघर्ष टाळलेले चांगले राहील. कुणाचे मन दुखावले जाईल असे शब्द वापरू नका. जोडीदाराचे म्हणणे ऐका.

मिथुन- काहींना मित्र-मैत्रिणींना भेटता येईल. भेटवस्तू मिळू शकतात. आर्थिक आवक उत्तम राहील. खरेदीचा आनंद लुटता येईल. आरोग्याची काळजी घ्या. भाऊ-बहीण यांच्याशी संपर्क राहील. एखाद्या सामाजिक उपक्रमात सहभागी व्हाल.

कर्क- नोकरीत बदली होण्याची शक्यता आहे. काहींचे खातेबदल होतील. एकदम टोकाची भूमिका घेऊ नका. स्वत:च्या तब्येतीची काळजी घ्या. प्रवासात दगदग होईल. जोडीदार आपल्याला सांभाळून घेईल. आर्थिक परिस्थिती चांगली राहील. मात्र खर्चाऐवजी बचतीला प्राधान्य द्या.

सिंह- मनात सकारात्मक विचार असू द्या. जास्त विचार करू नका. आर्थिक घडी बसण्यास सुरुवात होईल. अनेक कामे हातावेगळी कराल. आरोग्याची काळजी घ्या. प्रवासात दगदग होण्याची शक्यता आहे. प्रवास शक्यतो टाळा आणि घरीच आराम करा.

कन्या- प्रगतीची नवी क्षितिजे खुणावू लागतील. त्यामुळे मनात उमेद निर्माण होईल. उत्साह वाढेल. काहींना प्रवास करावा लागेल. प्रवासात दक्षता घ्या. नोकरीत चांगली परिस्थिती राहील. आर्थिक आवक सामान्य राहील. पण जे आहे त्यात आपण आपल्या गरजा पूर्ण कराल.

तूळ- नोकरीत कामाचा ताण वाढेल. पण आपल्याला सगळे मदत करतील. सहकारी वर्गाशी सकारात्मक भावनेने बोला. आरोग्याकडे दुर्लक्ष करू नका. काही जण समाजसेवा करण्यासाठी पुढाकार घेतील. जास्त दगदग करू नका. प्रवासात दगदग होईल.

वृश्चिक- कामधंद्यात आपली स्थिती भक्कम राहील. अनेक कामे मार्गी लागतील. भाऊ-बहीण यांच्या भेटी होतील. आर्थिक परिस्थिती चांगली राहील. जोडीदाराची चांगली साथ राहील. धार्मिक कार्यात सहभागी व्हाल. त्यात प्रमुख सहभाग राहील.

धनू- मनात सकारात्मक आणि आनंदी विचार राहतील. घरात आपली फर्माईश पूर्ण होईल. घरी राहण्याचे सुख मिळेल. प्रेमीजनांना चांगला दिवस. विविध मार्गांनी धनप्राप्ती होईल. तुमच्या हातून पूजापाठ होईल. एकंदरीत यशस्वी दिवस आहे.

मकर- जोडीदाराशी पटणार नाही. किरकोळ कारमावरून कुरबूर होईल. नोकरीत चांगली परिस्थिती राहील. मुलांच्या यशामुळे उत्साह वाढेल. मुलांच्या भविष्यकालीन योजनांवर विचार कराल. कुटुंबाच्या गरजा भागतील एवढे पैसे मिळतील.

कुंभ- नशिबाची साथ मिळेल. मुलांना अपेक्षित यश मिळेल. नोकरीत बदली होण्याची शक्यता आहे. त्याच नोकरीत विभाग बदलू शकतील. काहींना नवीन कामे मिळतील. नव्या संधीचा फायदा होईल. भाऊ-बहीण यांना मदत करावी लागेल. जोडीदाराशी सख्य राहील.

मीन- नोकरीत जबाबदारी पार पाडण्यासाठी प्रयत्नांशी पराकाष्ठा कराल. मात्र दुसऱ्या लोकांना मदत करण्याच्या नादात आपल्या कामाकडे दुर्लक्ष करू नका. अनेक कामे मार्गी लागतील. आर्थिक आवक चांगली राहील. महिलांना खरेदीचा आनंद लुटता येईल.