राशीभविष्य - १० मे २०२२: 'या' राशीच्या लोकांनी वाद टाळावा, व्यवसायातही बाजू वरचढ राहील

Horoscope : जाणून घ्या कसा असेल तुमचा आजचा दिवस...

मेष- प्रवासाचे योग आहेत. मुलांना अपेक्षित संधी मिळतील. चांगल्या बातम्या कानावर पडतील. प्रसिद्धी आणि मानसन्मान मिळेलय खाण्यापिण्याची चंगळ राहील. जमिनीच्या व्यवहारात यश मिळेल. आर्थिक आवक चांगली राहील. चैनीवर खर्च करण्याकडे कल राहील.

वृषभ - नोकरीत काही अनपेक्षित बदल होतील. सहकाऱ्यांशी विसंवाद होणार नाही याची काळजी घ्या. एखादी चांगली संधी मिळेल. घरी अनपेक्षितपणे पाहुणे येतील. त्यांच्यासाठी वेळ द्यावा लागेल. आर्थिक आवक मनासारखी राहील. जीवनसाथीचीही चांगली साथ मिळेल.

मिथुन - व्यवसायात बरकत राहील. मालाची विक्री चांगली होईल. भावंडांसाठी वेळ द्याल. काहींना प्रवास करावा लागेल. बाजारपेठेचे अंदाज चुकू शकतात. त्यामुळे मोठ्या उलाढाली करताना जाणकारांचा सल्ला घ्या. नोकरीत अनुकूल परिस्थिती राहील.

कर्क - विविध प्रकारच्या कामांना गती मिळेल. योग्य सल्ला व मार्गदर्शन मिळेल. मनात आनंदी विचार राहतील. आर्थिक आवक चांगली राहील. मालमत्तेच्या कामात यश मिळेल. मनासारखे पदार्थ खाण्यास मिळतील. एखाद्या नातेवाईकाशी गैरसमज होतील.

सिंह - नवीन कल्पना राबवण्याचा विचार येईल. महत्त्वाच्या कामात यश मिळेल. अडचणी दूर होतील. जीवनसाथी आपल्याला चांगली साथ देईल. नोकरीत अनुकूल परिस्थिती राहील. एखादी कागदोपत्री पूर्तता बाकी असेल ती पूर्ण होईल.

कन्या - खर्चाचे अंदाजपत्रक बिघडेल. अनावश्यक खर्चाला आवर घातला पाहिजे. काहींना प्रवास करावा लागेल. महत्त्वाच्या कामात अडचणी येतील. मात्र, आपण मुत्सद्दीपणाने वागून मार्ग काढाल. नोकरीत कामाचा थोडा ताण राहील. थोडे संयमाने वागणे आवश्यक आहे.

तूळ - ग्रहमानाची अनुकूलता आपल्या बाजूनं राहील. महत्त्वाच्या कामात सहजासहजी यश मिळेल. नवीन वस्तू खरेदी कराल. काहींना भेटवस्तू मिळतील. प्रवास घडून येतील. आर्थिक आवक मनासारखी राहीस. नोकरीत चांगली स्थिती राहील.

वृश्चिक - घरी पाव्हण्यारावळ्यांची लगबग राहील. एखाद्या कार्यक्रमाचे आयोजन केले जाईल. नोकरीत अनुकूल बदल होतील. कामानिमित्त फिरणे होईल. तुमच्या शब्दाचा मान राखला जाईल. बोलण्याचा प्रभाव पडेल. जीवनसाथी चांगली साथ देईल.

धनू - दगदग धावपळ कमी होईल. कामाची खुप काळजी करू नका. आरामात कामे करता येतील. अनेक जण तुमच्या मदतीला येतील. भाग्याची चांगली साथ राहील. काहींना प्रवास घडून येतील. व्यवसायात तुमचे पारडे जड राहील. तुमची प्रशंसा होईल.

मकर - आर्थिक बाजू बळकट राहील. जमिनीच्या व्यवहारात फायदा होईल. भावंडांशी गैरसमज होणार नाहीत याची काळजी घ्या. व्यवसायात बरकत राहील. नोकरीत अनुकूल परिस्थिती राहील. मुले अभ्यासात प्रगती करतील. महत्त्वाच्या कामात अडथळे येतील.

कुंभ - महत्त्वाच्या कामात यश मिळेल. दगदग कमी होईल. जीवनसाथीची चांगली साथ राहील. वादाचे प्रसंग खुबीने टाळा. व्यवसायात तुमची बाजू वरचढ राहील. नोकरीत तुमचे बोलणे लोकांना पटेल. योग्य सल्ला द्याल.

मीन - मनात काळजीचे विचार राहतील. मात्र जीवनसाथी आपल्याला सांभाळून घेईल. व्यवसायात विक्री चांगली राहील. कामात अडथळा येऊ शकतो. थोडे संयमाने वागणे आवश्यक आहे. आरोग्याची काळजी घ्या.