राशीभविष्य- २९ जानेवारी २०२२: नोकरीत अनुकूल घटना घडतील; अचानक मोठी संधी चालून येईल

Horoscope : जाणून घ्या कसा असेल तुमचा आजचा दिवस...   

मेष- भाग्याची चांगली साथ राहील. ग्रहमान अनुकूल आहे. अचानक धनलाभ होईल. पर्यटनाच्या निमित्ताने प्रवास होतील. महत्त्वाचे काम मार्गी लागेल. चांगल्या बातम्या कानावर पडतील. नोकरीत प्रगती होईल. मुलांच्या यशाच्या वार्ता कानावर पडतील.

वृषभ- अचानक धनलाभ होईल. लॉटरीचे एखादे तिकीट घेऊन पाहण्यास हरकत नाही. एखादी व्यक्ती गोड बोलून तुम्हाला अ़डचणीत आणणार नाही याची दक्षता घ्या. सांभाळून राहा. महत्त्वाचे काम पुढे ढकला. जोडीदाराची काळजी घ्या. मुलांना यश मिळेल.

मिथुन- भागीदारी व्यवसायात यश मिळेल. आर्थिक आवक चांगली राहील. जीवनसाथीशी मधुर संबंध राहतील. दूरच्या प्रवासाचा योग. तरुण वर्गाला प्रेमात यश मिळेल. महत्त्वाच्या कामातील अडथळे दूर होतील. मुलाच्या संगतीकडे लक्ष द्या. नोकरीत वादापासून दूर राहा.

कर्क- मनाविरुद्ध घटना घडतील. जीवनसाथीचे पाठबळ मिळेल. त्या जोरावर अडचणीतून मार्ग निघेल. तब्येतीची काळजी घ्या. आराम करणे गरजेचे आहे. प्रवास शक्यतो टाळा. महत्त्वाच्या कामात अडचणी येतील. थोडा संयम ठेवलेला बरा. मुलांकडे लक्ष द्या.

सिंह- भाग्याची चांगली साथ मिळेल. जवळचा प्रवास करावा लागेल. मुलांच्या यशाच्या वार्ता कानावर पडतील. महत्त्वाच्या कामात यश मिळेल. आरोग्याच्या किरकोळ तक्रारी राहतील. मात्र फार काळजीचे कारण नाही. आराम करावा लागेल.

कन्या- घरी पाव्हण्या रावळ्यांचा राबता राहील. मनासारखे भोजन मिळेल. महिलांना घरातील कामात जास्त वेळ द्यावा लागेल. नोकरीत अनुकूल परिस्थिती राहील. काहींना नवीन जबाबदारी घ्यावी लागेल. हाती मनासारखा पैसा येईल. मुलांना यश मिळेल.

तूळ- कामानिमित्त जवळचा प्रवास होईल. आर्थिक आवक चांगली राहील. नोकरीत चांगली परिस्थिती राहील. तुमचे वर्चस्व राहील. मात्र वादापासून दूर राहा. भावंडांची भेट होईल. जीवनासाथी चांगली साथ देईल. 

वृश्चिक- धनलक्ष्मीची कृपा आपल्यावर होईल. मालमत्तेच्या कामात फायदे होतील. महत्त्वाच्या कामात यश मिळेल. प्रगतीच्या दिशेने वाटचाल सुरू राहील. भावंडांशी सख्य राहील. खाण्या-पिण्याची चंगळ राहील. जीवनसाथीशी मधुर संबंध राहतील.

धनु- विवाहोत्सुकांचे विवाह ठरण्याच्या दृष्टीने हालचाली वेग धरतील. तरुण वर्गाला प्रेमात यश मिळेल. जीवनसाथीशी सूर जुळतील. भेटवस्तूंची देवाणघेवाण होईल. कामकाजातील अडचणी दूर होतील. मन प्रसन्न राहील. मालमत्तेची कामे होतील.

मकर- चैनीवर खर्च करण्याकडे कल राहील. महागड्या वस्तू खरेदी कराल. दूरचा प्रवास होईल. प्रवासांत पैशांची उधळपट्टी कराल. मित्र-मैत्रिणींच्या संगतीत वाहवत जाऊ नका. एखाद्या वेळी अडचणीत याल. महत्त्वाचे काम पुढे ढकला. जीवनसाथीला नाराज करू नका.

कुंभ- धनलक्ष्मीची कृपा आपल्यावर राहील. विविध मार्गांनी धनप्राप्ती होईल. अचानक फायदा होईल. जमिनीच्या व्यवहारात यश मिळेल. भेटवस्तू मिळतील. चैनीच्या वस्तू खरेदी कराल. एक पाऊल पुढे पडेल. गृहसौख्य चांगले राहील.

मीन- नोकरीत अनुकूल घटना घडतील. महत्त्वाच्या प्रकल्पासाठी तुमच्या नावाचा विचार केला जाईल. काहींची बदली होऊ शकते. अचानक मोठी संधी चालून येईल. क्रोधाला आवर घाला. सरकारी कामे मार्गी लागतील. घरी पाहुणे येतील.