आजचे राशीभविष्य - ५ मार्च २०२२; नवीन गुंतवणूकीची संधी, तर नोकरीतही अनुकूल परिस्थिती राहील

Rashi Bhavishya, Today's Horoscope : जाणून घ्या कसा असेल तुमचा आजचा दिवस, काय सांगते तुमची राशी...

मेष – काही कारणानं गैरसमज होतील. अडचणीतून संयमाने मार्ग काढण्याची गरज आहे. महत्त्वाचे काम पुढे ढकलणे ठीक राहील. खर्चावर नियंत्रण ठेवणे आवश्यक आहे. आर्थिक व्यवहारात स्पष्टता ठेवायला पाहिजे. नोकरीत मनाचा तोल ढळू देऊ नका.

वृषभ – मन प्रसन्न राहील. चांगल्या बातम्या कानावर पडतील. उत्तम संधी चालून येतील. मनासारखे भोजन मिळेल. पर्यटनाच्या निमित्तानं प्रवास होील. आर्थिक आवक चांगली राहील. जवळच्या लोकांच्या भेटीगाठी होतील. मौजमजा करण्यासाठी पैसा खर्च होईल.

मिथुन – आपण हाती घेतलेल्या कामात यश मिळेल. लोकांच्या मदतीसाठी पुढाकार घ्याल. घरात थोडी कुरबुर होईल. आहारावर नियंत्रण ठेवणे आवश्यक आहे. वरिष्ठांची मर्जी संपादन कराल. कुणाचा अपमान होईल, असं बोलू नका. खर्चाचे प्रमाण वाढते राहील.

कर्क – आपले अंदाज बरोबर ठरतील. त्यामुळे स्वत:ला आणि इतरांनाही त्याचा फायदा होईल. नशिबाची साथ मिळेल. आर्थिक आवक चांगली राहील. कामानिमित्त दगदग होईल. व्यवहार जपून करा. नातेवाईकांसाठी घटावे लागेल. मित्र मैत्रिणीच्या सहवासात मजेत वेळ जाईल.

सिंह – कामाचा ताण राहील. मन अस्वस्थ राहील, आरोग्याची काळजी घ्या. आपले कोण परके कोण यातील फरक ओळखा. बोलण्यात गोडवा असू द्या. अन्यथा जवळचे लोक तुटतील. महत्त्वाच्या कामात अडथळा येऊ शकतो. 

कन्या – महत्त्वाच्या कामात यश मिळेल. लोकांचे सर्वतोपरी सहकार्य मिळेल. नोकरीत सहकऱ्यांमुळे मनस्ताप सहन करावा लागेल. कामाचे नियोजन नीट करा. एखाद्या सार्वजनिक कार्यक्रमात सहभाग घ्याल.

तूळ – लोकांना दुखवू नका. आपल्या बोलण्याचा विपर्यास केला जाऊ शकतो. त्यामुळे संयमाने बोलणे आवश्यक आहे. महत्त्वाच्या कामात अडचणी येतील. जर काम पुढे ढकलता आले तर बरे राहील. मित्र मैत्रिणीच्या सहवासात मौजमजा कराल.

वृश्चिक – अचानक धनलाभ होील. मात्र, खर्च करण्याकडे कल राहील. शुभकार्यासाठी वेळ आणि पैसा खर्च होईल. महत्त्वाच्या बातम्या कानावर पडतील. कुणी तुम्हाला मोहात अडकवण्याचा प्रयत्न करेल. थोडे सावध राहा. घर व नोकरी यात तारांबळ उडेल. 

धनू – आर्थिक व्यवहार जपून करा. कोणी फसवणार नाही याची काळजी घ्या. उधार देताना विचार करुन द्या. कौटुंबिक वादाची ठिणगी पडू शकते. एखाद्या वादात मधस्थी करावी लागेल. कामाची जबाबदारी वाढेल. दगदग, धावपळ होईल. आरोग्याची काळजी घ्या.

मकर – व्यवसायात भरभराट होईल. नवीन गुंतवणूक केली जाईल. नोकरीत अनुकूल परिस्थिती राहील. जीवनसाथी तुम्हाला सांभाळून घेईल. विविध प्रकारचे लाभ होतील. चांगल्या बातम्या कानावर पडतील. घरात खेळीमेळीचे वातावरण राहील. सर्वांशी समन्वय राहील.

कुंभ – मनात काळजीचे विचार राहतील. कामाचा ताण वाढेल. वादविवाद टाळलेले बरे राहीलय आर्थिक आवक सामान्य राहील. अनावश्यक खर्चाला आवर घाला. कायद्याची बंधने पाळा. महत्त्वाचे निर्णय एकट्याने घेऊ नका.

मीन – जीवनसाथीशी मधुर संबंध राहतील. भेटवस्तू मिळतील. करमणुकीच्या कार्यक्रमात सहभागी व्हाल. जवळपासच्या सहलीला जाल. लोकांच्या प्रशंसेस पात्र ठराल. विविध प्रकारचे फायदे होतील. नोकरीत सामान्य परिस्थिती राहील.