महाड येथील अपघातात खेडमधील ९ जण जखमी

खेड : गणेशोत्सव साजरा करून, खेडकडून मुंबईकडे जाणाऱ्या टेम्पो ट्रॅव्हलरचा महाड विन्हेरे तुळशीखिंड मार्गावरील कुर्ले या गावाजवळ अपघात झाला. या अपघातामध्ये बसमधील ९ प्रवासी जखमी झाले आहेत.

रत्नागिरी जिल्ह्यातील खेडकडून मुंबईकडे जात असलेला टेम्पो टॅव्हलरला महाड शहरापासून ३ किलाेमीटर अंतरावर असलेल्या कुर्ले गावाजवळ अपघात झाला. घाटात चालकाचा ताबा सुटल्यामुळे बसची रस्त्याच्या बाजूला असलेल्या डोंगराला धडक बसली. या अपघातामध्ये मंगेश सुरेंद्र बांद्रे, वैदेही बांद्रे, रुची रवींद्र बांद्रे, अर्चना रवींद्र वांद्रे, सुनंदा सखाराम बांद्रे, पांडुरंग धोंडू भागणे, अमित प्रकाश भागणे, वैद्ययी विजय भागणे, देवकी पांडुरंग भागणे (सर्व रा.बहिरवली, ता.खेड) हे जखमी झाले. त्यांच्यावर महाड ग्रामीण रुग्णालयामध्ये उपचार करण्यात आले. बस चालक विदेश देवजी कोळंबे (रा.दापोली) याच्यावर कारवाई करण्यात आली आहे.