लैंगिक अत्याचारप्रकरणी आरोपीला न्यायालयीन कोठडी

देवरुख : अल्पवयीन मुलीवर लैंगिक अत्याचार करणाऱ्या आंगवली - सोनारवाडी येथील आरोपीला जिल्हा सत्र न्यायालयात हजर केले असता, न्यायाधीशांनी त्याला न्यायालयीन कोठडी सुनावली आहे. मंगेश एकनाथ कदम (४१, रा. आंगवली-सोनारवाडी) असे आरोपीचे नाव आहे.

मंगेश याने पीडित अल्पवयीन मुलीला घरी बोलावून लैंगिक अत्याचार केल्याचा प्रकार चार दिवसांपूर्वी घडला होता. याबाबत पीडित मुलीच्या आईने देवरुख पोलीस स्थानकात तक्रार दाखल केली होती. त्यानुसार मंगेश याच्यावर गुन्हा दाखल करुन त्याला अटक करण्यात आली होती.

मंगेशला सोमवारी देवरुख न्यायालयात हजर केले असता, न्यायाधिशांनी दोन दिवसांची पोलीस कोठडी सुनावली होती. ही कोठडी संपल्याने बुधवारी मंगेशला जिल्हा सत्र न्यायालयात हजर केले असता, न्यायाधीशांनी त्याची रवानगी न्यायालयीन कोठडीत केली आहे.