पाचल व्यापारी संघटनेच्या अध्यक्षपदी अण्णा पाथरे

पाचल : राजापूर तालुका अखंड वारकरी सांप्रदायाचे अध्यक्ष अण्णा पाथरे यांची पाचल व्यापारी संघटनेच्या अध्यक्षपदी निवड करण्यात आली आहे. पाचल व्यापारी संघटनेच्या वार्षिक सर्वसाधारण सभेत अशोक सक्रे यांच्या अध्यक्षतेखाली झालेल्या या सभेत त्यांची निवड करण्यात आली आहे.

याअगोदर अशोक सक्रे यांनी पाचल व्यापारी संघटनेच्या अध्यक्षपदाची धुरा सांभाळली होती. या सभेत अध्यक्ष निवडीबरोबरच नवीन कार्यकारिणीचीही निवड करण्यात आली. नवीन कार्यकारिणी अध्यक्ष अण्णा पाथरे, उपाध्यक्ष भाऊ नारकर, श्रीकृष्ण सुतार, बंधू लब्दे, चिटणीस विनायक सक्रे, सहचिटणीस सुरेश ऐनारकर, खजिनदार दिलीप देवरूखकर, नरशी पटेल, सल्लागार बाळा सावंत, विकास कोलते, तसेच पत्रकार प्रतिनिधी म्हणून सुरेश गुडेकर व ॲड. अमित विले यांची कार्यकारिणीत निवड करण्यात आल्याचे अण्णा पाथरे यांनी सांगितले.