भटाळी रस्त्याच्या डांबरीकरणाला सुरुवात

राजापूर

: शहरातील बहुचर्चित अशा भटाळी रस्त्याच्या डांबरीकरणाच्या कामाचा शुभारंभ बुधवारी नगराध्यक्ष ॲड. जमीर खलिफे यांच्या उपस्थितीत व प्रतिष्ठित नागरिक विवेक गुणे यांच्या हस्ते पार पडला.

राजापूर शहरातील मुख्य रस्त्याला जोडून भटाळी भागात जाणाऱ्या रस्त्याची पार दुरवस्था झाली आहे. हा रस्ता मुख्य रस्त्यापासून ते अगदी कोदवली ग्रामपंचायत हद्दीपर्यंत पूर्णपणे खड्डेमय झाला आहे. त्यामुळे या भागातील नागरिकांसह वाहनचालकांना वाहने चालविताना कसरत करावी लागत आहे. मागील काही वर्षे या रस्त्याचे डांबरीकरण करण्यात यावे, अशी मागणी सातत्याने होत होती. अखेर या रस्त्याच्या कामासाठी निधी मंजूर झाला असून, या कामाचे भूमिपूजनही पार पडले.

नगराध्यक्ष ॲड. जमीर खलिफे यांच्या उपस्थितीत झालेल्या या कार्यक्रमावेळी उपनगराध्यक्ष सुभाष बाकाळकर, शिवसेना गटनेते विनय गुरव, नगरसेवक सुलतान ठाकूर, सौरभ खडपे, अनिल कुडाळी, भाजप नगरसेवक गोविंद चव्हाण, रमेश गुणे, डाॅ. उत्तम प्रभूदेसाई, संगीता चव्हाण, पत्रकार महेश शिवलकर, ठेकेदार डी. एम. चव्हाण उपस्थित होते.