सत्कोंडी येथील स्मशानभूमी शेडचे भूमिपूजन

गणपतीपुळे : रत्नागिरी तालुक्यातील ग्रामपंचायत सत्कोंडीअंतर्गत मौजे गाव कांबळेलावगण येथील स्मशानभूमी शेडचे भूमिपूजन जिल्हा परिषद सदस्या ऋतुजा जाधव यांच्या हस्ते पार पडले.

यावेळी बोलताना ऋतुजा जाधव यांनी सांगितले की, जनसुविधा याेजनेच्या निधीतून कांबळेलावगण गावाची अनेक दिवसांपासूनची मागणी पूर्णत्वास जात आहे. या कामाची निविदा प्रक्रिया पूर्ण झाली असून, पावसाळ्यानंतर प्रत्यक्षात कामाला सुरुवात होईल. गावातील ग्रामस्थांनी माझ्यावर विश्वास ठेवल्याने काम करण्यास उत्साह येत आहे. राज्याचे उच्च व तंत्रशिक्षणमंत्री उदय सामंत, तालुकाप्रमुख प्रदीप साळवी यांच्या मार्गदर्शनाखाली काम करत असताना ग्रामीण भागातील प्रत्येक वाडीपर्यंत पोहोचून त्यांच्या अडचणी सोडवण्याचा प्रयत्न करीत असल्याचे ऋतुजा जाधव यांनी सांगितले.

या भूमिपूजन प्रसंगी सत्कोंडी गावच्या सरपंच प्रणाली मालप, गावकर प्रकाश मालप, ग्रामपंचायत सदस्य सचिन बलेकर, सुनीता बलेकर, पोलीस पाटील सुहानी बलेकर, टी. जी. बलेकर, राजेश जाधव, अनिल वाडकर व ग्रामस्थ उपस्थित होते.