चिपळुणात रिक्षा व्यावसायिकास दोन लिटर माेफत पेट्राेल

लाेकमत न्यूज नेटवर्क

चिपळूण : काँग्रेसचे राष्ट्रीय नेते राहुल गांधी यांच्या वाढदिवसानिमित्त चिपळूण काँग्रेस तालुकाध्यक्ष प्रशांत यादव यांच्या नेतृत्वाखाली चिपळुणातील २५ रिक्षा व्यावसायिकांना दोन लिटर पेट्रोल मोफत, तर दुचाकीस्वारांना पाच रुपये सवलतीत पेट्रोल वाटपाचा कार्यक्रम आयाेजित करण्यात आला हाेता. हा कार्यक्रम यशस्वी करण्यासाठी काँग्रेसच्या पदाधिकारी व कार्यकर्त्यांनी मेहनत घेतली.

गेल्या काही दिवसांपूर्वी प्रदेशाध्यक्ष नाना पटोले यांच्या वाढदिवसानिमित्त चिपळूण काँग्रेस तालुकाध्यक्ष प्रशांत यादव यांच्या नेतृत्वाखाली विविध उपक्रम राबविण्यात आले. त्याचप्रमाणे राष्ट्रीय नेते राहुल गांधी यांच्या वाढदिवसानिमित्तही विविध उपक्रम राबविण्यात आले होते. यामध्ये चिपळुणातील २५ रिक्षा व्यावसायिकांना दोन लिटर पेट्रोल मोफत, तर दुचाकीस्वारांना पाच रुपये सवलतीत पेट्रोल देण्यात आले. यावेळी नगरसेवक करामत मिठागरी, युवक काँग्रेस तालुका उपाध्यक्ष रूपेश आवले, शहराध्यक्ष फैसल पिलपिले, तालुका उपाध्यक्ष साजिद सरगुरोह, गुलजार कुरवले, मुन्ना दळी, विद्यार्थी संघटना तालुकाध्यक्ष ऋषिकेश शिंदे, शहराध्यक्ष गौरी हरदारे उपस्थित होते.

------------------------

चिपळूण काँग्रेसतर्फे रिक्षा चालकांना माेफत व दुचाकीस्वारांना सवलतीत पेट्राेल देण्यात आले.