तुळसुंदे बंदर रस्त्याच्या डांबरीकरणाचा शुभारंभ

राजापूर : राजापूर तालुक्यातील तुळसुंदे या मासेमारी बंदराकडे जाणाऱ्या व गेली कित्येक वर्षे अत्यंत खराब झालेल्या रस्त्याच्या डांबरीकरणाचा शुभारंभ मच्छीमार नेते परशुराम डोर्लेकर यांच्या हस्ते करण्यात आला. यावेळी माजी उपसरपंच विलास नाडनकर, माजी उपसरपंच प्रकाश डोर्लेकर उपस्थित होते.

आमदार राजन साळवी यांच्या शिफारसीने माजी जिल्हा परिषद अध्यक्ष रोहन बने आणि माजी बांधकाम सभापती बाबू म्हाप यांनी या रस्त्यासाठी जिल्हा परिषद फंडातून निधीची तरतूद केली होती. मुख्यमंत्री ग्रामसडक योजनेतून आमदार राजन साळवी यांनी तो प्रस्तावित केला. सद्यस्थितीत मंजूर निधीतून जेवढे डांबरीकरण करता येईल तेवढे करण्यात येणार आहे. यासाठी परशुराम डोर्लेकर यांनीही प्रयत्न केले आहेत.

या रस्ता शुभारंभ कार्यक्रमाला शाखाप्रमुख निवास शिरगावकर, सुशीला राजापकर, रविकांत आडिवरेकर, मंगेश बावकर, देविदास आडिवरेकर, संदेश लाड, सरिता नार्वेकर, उमेश खडपे, गुणाजी आडिवरेकर, नियती आडिवरेकर, उमेश गावकर उपस्थित होते.