देवेंद्र फडणवीस यांनी दिली संगमेश्वर कोविड सेंटरला भेट

देवरुख : तौक्ते वादळाने केलेल्या नुकसानाची पाहणी करण्यासाठी रत्नागिरी जिल्हा दौऱ्यावर आलेले विराेधी पक्षनेते देवेंद्र फडणवीस यांनी गुरुवारी दुपारी संगमेश्वर कोविड सेंटरला भेट दिली. येथील अडचणी समजून घेत सर्व आरोग्य कर्मचाऱ्यांचे कौतुक केले.

यावेळी त्यांनी वैद्यकीय अधिकारी अंबरीश आगाशे यांच्याशी चर्चा करून येथील अडचणी समजावून घेतल्या. यादरम्यान त्यांच्यासोबत विरोधी पक्षनेते प्रवीण दरेकर, आमदार प्रसाद लाड, माजी खासदार नीलेश राणे, माजी मंत्री रवींद्र चव्हाण, जिल्हाध्यक्ष ॲड. दीपक पटवर्धन, तालुकाध्यक्ष प्रमोद अधटराव, तालुका सरचिटणीस डाॅ. अमित ताठरे, सतीश पटेल यांच्यासह भाजप पदाधिकारी उपस्थित होते.

----------------------------------

संगमेश्वर कोविड सेंटरला देवेंद्र फडणवीस यांनी भेट दिली. यावेळी विधान परिषदेचे विरोधी पक्षनेते प्रवीण दरेकर, आमदार प्रसाद लाड, रवींद्र चव्हाण उपस्थित हाेते़