अलोरे येथे शेतकऱ्यांना आंबा कलमांचे वाटप

चिपळूण : तालुक्यातील अलोरे येथे मोठ्या प्रमाणात वृक्षलागवड करण्यात आली. रोपांची लागवड व्हावी. शेतकऱ्यांनी लावलेली झाडे जगवावीत. यासाठी कोळकेवाडीचे माजी सरपंच नीलेश कदम यांनी शेतकऱ्यांना आंबा कलमांचे वाटप केले.

यानिमित्ताने पोफळी येथील विश्रामगृहात छोटेखानी कार्यक्रमाचे आयोजन करण्यात आले होते. आमदार शेखर निकम यांनीही कार्यक्रमास हजेरी लावली होती. आमदार शेखर निकम, ज्येष्ठ नेते दादा साळवी, पंचायत समिती सदस्य बाबू साळवी, रमेश राणे यांनी माजी सरपंच नीलेश कदम यांच्या कामकाजाचे कौतुक केले. आमदार निकम म्हणाले की, माजी सरपंच कदम यांनी तरुण वयात चांगली भरारी घेतली आहे. विविध सामाजिक, शैक्षणिक, सांस्कृतिक उपक्रम जोपासून जनसामान्यांशी नाळ जोडली आहे. यावेळी प्रकाश पलांडे, गजानन चव्हाण, राजेश चव्हाण, संजय मोहिते, दत्ताराम बंगाल, राकेश जाधव, अविनाश कोलगे, इकबाल मुल्ला, सुरेश राणे, किरण चाळके, अमोल जाधव, अनिल मोहिते, महेश शिंदे, प्रवीण शिंदे, दिगंबर बापट व ग्रामस्थ उपस्थित होते.

140721\img-20210714-wa0016.jpg

अलोरे येथे शेतकऱ्यांना आंबा कलमांचे वाटप