रोटरी क्लबतर्फे चिपळूणमधील डॉक्टरांचा सन्मान

चिपळूण : येथील रोटरी क्लबतर्फे आरोग्य सेवा पुरविणाऱ्या डॉक्टरांच्या सन्मानार्थ गौरव दिन साजरा करण्यात आला. या कार्यक्रमांतर्गत चिपळूण शहर व खेर्डी पंचक्रोशीमध्ये कार्यरत असणाऱ्या, व्यवसायासोबतच सेवाभाव जपणाऱ्या अशा डॉक्टरांची भेट घेऊन सन्मानपत्र देऊन सत्कार करण्यात आला.

मोठ्या शहरांमध्ये डॉक्टर रुग्ण नातेसंबंध कलुषित होत चालला आहे. तसे न होऊ देता सचोटीने दिवस-रात्र मेहनत करणाऱ्या डॉक्टरांचा सन्मान ही त्यांच्या प्रामाणिक कामाची पोचपावती ठरेल, असे मत रोटरी क्लब ऑफ चिपळूणचे नवनिर्वाचित अध्यक्ष प्रसाद सागवेकर यांनी यावेळी व्यक्त केले. तर अशा कार्यक्रमांच्या सहाय्याने आवश्यक मात्र लुप्त होत चाललेली फॅमिली डॉक्‍टर ही संकल्पना आपल्या चिपळूण शहरात पुन्हा रुजण्यास मदत होईल, असे मत सचिव अविनाश पालशेतकर यांनी व्यक्त केले.

कार्यक्रमामध्ये डॉ. सतीश देसाई, डॉ. यतीन जाधव, डॉ. प्रकाश पाटणकर, डॉ. नंदकुमार बर्वे, डॉ. शेखर पालकर यांच्यासह अन्य सुमारे ३५ डॉक्टर्सचा सन्मान करण्यात आला. या कार्यक्रमासाठी डॉ. निनाद साडविलकर व प्रोजेक्ट चेअरमन डॉ. चिनार खातू यांनी मेहनत घेतली.

----------------------------------

चिपळूण येथील राेटरी क्लबतर्फे शहरातील डाॅक्टरांचा सन्मान करण्यात आला. यावेळी राेटरी क्लबचे अध्यक्ष प्रसाद सागवेकर यांच्यासह पदाधिकारी व डाॅक्टर उपस्थित हाेते.