चिपळूणमध्ये देवी करंजेश्वरीचे जोरदार स्वागत

चिपळूण : गोवळकोट गोविंदगडावरून रेडजाई देवीची भेट घेवून मंगळवारी श्री देव सोमेश्वर व देवी करंजेश्वरीची पालखी पेठमाप भागात आली. माहेरवाशिणीचे जोरदार स्वागत करण्यात आले. आज सकाळी पेठमाप परिट आळी येथील पालख्या विसावल्या असून तेथे ओट्या भरण्यासाठी व दर्शनासाठी भाविकांची गर्दी उसळली आहे. गुरूवारी सायंकाळी वाशिष्टी नदी किनारी सीमेवर शेरणे काढण्याचा नेञदीपक सोहळा होणार आहे. यासाठी येथे पोलीस बंदोबस्त ठेवण्यात आला आहे.