देवरुखातील विविध वाड्यांतील पथदीपांचे उद्घाटन

देवरुख : देवरुख शहरातील बोटके वाडी, कोल्हेवाडी आणि हसम वाडी येथील पथदीपच्या कामांचे उद्घाटन करण्यात आले. यासाठी नगरपंचायतीने १४ व्या वित्त आयाेगातून ४५ लाख व नगराेत्थानमधून ४५ लाखाची तरतूद केली हाेती.

वाढत्या शहरीकरणासोबत रस्ते, पाणी आणि पथदीप मूलभूत गरज झाली आहे. नागरिकांची ही गरज ओळखून मृणाल शेट्ये व त्यांचे सर्व सहकारी नगरसेवक, नगरसेविका यांनी देवरुख शहरातील सर्व वाड्या-वस्तीत पथदीप पोहोचविण्याचा निर्णय घेतला. देवरुखच्या सर्व भागांत सुमारे ९०० पथदीप बसविण्याच्या कामाला सुरुवात झाली. हा उद्घाटन सोहळा नगराध्यक्ष मृणाल शेट्ये, उपनगराध्यक्षा सानवी संसारे, स्थानिक नगरसेविका अश्विनी पाताडे, रेश्मा किर्वे, देवरुखचे माजी नगराध्यक्ष नीलेश भुरवणे, माजी उपनगराध्यक्ष आणि भाजप तालुका उपाध्यक्ष अभिजित शेट्ये, भाजप जिल्हा कार्यकारिणी सदस्य तुकाराम किर्वे, नगरसेवक प्रफुल्ल भुवड, प्रकाश मोरे, यशवंत गोपाळ, राजेंद्र गवंडी, नगरसेविका मानसी आंबेकर, महेंद्र आंबेकर उपस्थित होते.

060921\3038img-20210906-wa0055.jpg

उद्घाटन