कीर्तनवाडी स्पाेर्टस संघाने पटकावला नगरसेवक चषक

असगोली : खालचापाट येथील मारुती छाया क्रिकेट संघातर्फे नगरसेवक चषक ओपन अंडरआर्म क्रिकेट स्पर्धा आयाेजित करण्यात आली हाेती. या स्पर्धेत कीर्तनवाडी स्पोर्ट्स संघाने विजेतेपद पटकावले. तर यजमान मारुती छाया खालचापाट संघाला उवविजेत्या पदावर समाधान मानावे लागले. या स्पर्धेत तालुक्यातील ३६ संघांनी सहभाग घेतला होता. नगरसेवक अमोल गोयथळे यांच्या सहकार्याने ही स्पर्धा खेळविण्यात आली. या स्पर्धेचे उद्घाटन नगरसेविका स्नेहल रेवाळे, फ्रेंड सर्कल क्रीडा मंडळाचे अध्यक्ष सागर मोरे, दिलीप गोयथळे सुनील गोयथळे यांच्या हस्ते फीत कापून व किरण कला मंडळाचे अध्यक्ष उदय लोखंडे यांच्याहस्ते श्रीफळ वाढवून करण्यात आले. स्पर्धेतील उत्कृष्ट फलंदाज म्हणून कीर्तनवाडी स्पोर्ट्स संघाचा प्रतीक ठोंबरे, गोलंदाज मारुती छाया संघाचा सागर पाडावे, क्षेत्ररक्षण दीपक जाधव, सामनावीर कीर्तनवाडी स्पोर्ट्सचा अजित ठोंबरे तर मालिकावीर म्हणून कीर्तनवाडी स्पोर्ट्स संघाच्या विक्रांत जोशी यांची निवड करून चषक देऊन गौरविण्यात आले.

स्पर्धेच्या बक्षीस वितरण कार्यक्रमाला नगरपंचायतीच्या उपनगराध्यक्ष स्नेहा भागडे, आरोग्य व स्वच्छता समितीचे सभापती अमोल गोयथळे, नगरसेविका स्नेहल रेवाले, फ्रेंड सर्कल क्रीडा आणि सांस्कृतिक मंडळाचे अध्यक्ष सागर मोरे उपस्थित हाेते. त्याचबराेबर मयुरेश कचरेकर, सुनील गोयथळे, प्रकाश गोयथळे, सुभाष घाडे, दिलीप गोयथळे, प्रवीण घाडे, श्रीधर कुळे, एकनाथ जाधव, अनंत धनावडे, गणपत जागळी, ठेकेदार मोहन चव्हाण, सुनील रेवाले, किरण कला मंडळाचे अध्यक्ष उदय लोखंडे यांचीही उपस्थिती हाेती.

या स्पर्धेचे सूत्रसंचालन अरुण भागडे, सुयोग आरेकर यांनी केले. पंच म्हणून सोहम कणगुटकर, विक्रांत जोशी यांनी काम पाहिले.