ओणीत बिबट्याचा वृध्दावर हल्ला

घराच्या पडवीत भुंकणाºया कुत्र्याला बाहेर हाकलण्यासाठी दरवाजा उघडून बाहेर आलेल्या एका वृध्दावर बिबट्याने हल्ला करुन त्याला जखमी केल्याची घटना तालुक्यातील ओणी दैतवाडीत मंगळवारी पहाटे घडली.

राजापूर , दि. ३ :   घराच्या पडवीत भुंकणाºया कुत्र्याला बाहेर हाकलण्यासाठी दरवाजा उघडून बाहेर आलेल्या एका वृध्दावर बिबट्याने हल्ला करुन त्याला जखमी केल्याची घटना तालुक्यातील ओणी दैतवाडीत मंगळवारी पहाटे घडली.

या हल्ल्यातील जखमीचे नाव धोंडू गणू दैत (६०) असल्याचे सांगण्यात आले. मंगळवारी पहाटे चारच्या आसपास ओणी दैतवाडीतील ग्रामस्थ धोंडू गणू दैत यांच्या घराच्या पडवीत बसलेला कुत्रा जोरजोराने भुंकू लागल्याने झोपमोड झालेल्या धोंडू दैत यांनी तात्काळ आपल्या घराचा दरवाजा उघडुन तेथे भुंकणाºया कुत्र्याला बाहेर काढले.

नेमका त्याचवेळी त्यांच्या घराच्याजवळ आलेल्या बिबट्याने अंधारातच त्याच दरवाजाने दैत यांच्या घरात प्रवेश केला. त्यानंतर त्या बिबट्याने दैत यांच्या घरात बांधलेल्या एका वासराला लक्ष्य करताना त्याच्यावर हल्ला चढवला. आकस्मिक झालेल्या हल्ल्याने धोंडू दैत यांनी जोरदार आरडाओरडा करताच घरातील झोपलेली मंडळी जागी झाली. 

दरम्यान तो बिबट्या दैत यांच्या घरात जावून लपून बसला. मात्र जमलेल्या लोकांचा आवाज आल्यानंतर त्या बिबट्याने घराची कौले उचकटून बाहेर उडी मारली. जखमी वृध्द धोंडू दैत यांना प्रथम ओणीतील प्राथमिक आरोग्य केंद्रात दाखल करण्यात आले व त्यानंतर त्यांना रत्नागिरीच्या शासकिय रुग्णालयात हलविण्यात आले.