दुसऱ्या दिवशीही लांजात कडकडीत बंद

वीकेण्ड लाॅकडाऊनमुळे लांजा शहरात रविवारीही कडकडीत बंद पाळण्यात आला. (छाया : अनिल कासारे)

लाेकमत न्यूज नेटवर्क

लांजा : शासनाच्या वीकेण्ड लाॅकडाऊनमुळे दाेन दिवस अत्यावश्यक सेवेतील दुकाने वगळता इतर सर्व दुकाने पूर्णतः बंद करण्यात आल्याने रविवारीही लांजा शहरात शुकशुकाट पसरला होता.

मुख्यमंत्री यांनी जाहीर केलेल्या ‘ब्रेक द चेन’ या मोहिमेला शनिवार व रविवारी असे दोन दिवस शहरातील सर्व व्यापाऱ्यांनी उत्स्फूर्त प्रतिसाद देत शनिवारी व रविवारी दुकाने उघडली नाहीत. त्यामुळे ग्रामीण भागातूनही काेणी शहराकडे फिरकलेले नाही. शहरामध्ये पोलिसांनी ठिकठिकाणी बंदोबस्त ठेवल्याने पोलिसांच्या लाठीचा प्रसाद नको म्हणून अनेक जणांनी आपल्या घरीच बसणे पसंत केले होते.

शहरातील मेडिकल, डॉक्टर, पेट्रोलपंप मात्र सुरू हाेते. सोमवारी शासनाचे नव्याने काय आदेश येतात याची प्रतीक्षा आता व्यापारी आणि नागरिकांना लागली आहे.