दाभाेळे येथील अपघातात एकजण जखमी

साखरपा : संगमेश्वर तालुक्यातील रत्नागिरी - काेल्हापूर महामार्गावरील मालपवाडी येथे ट्रक व आयशर यांची समाेरासमाेर धडक बसून झालेल्या अपघातात एकजण गंभीर जखमी झाला. हा अपघात सकाळी ६ वाजण्याच्या दरम्याने घडला.

ट्रकचालक गणेश गाेळे (३३) हा ट्रक (एमएच ११ सीएच ६७८०) घेऊन जयगड ते सातारा असा जात हाेता. त्याचवेळी समाेरून येणारा आयशर कंपनीचा ट्रक (एमएच ०९ बीसी १६६) संभाजी गाेसावी काेल्हापूर ते रत्नागिरी असा घेऊन जात हाेता. मालपवाडी येथील अवघड वळणावर आला असता समाेरासमाेर धडक बसून झालेल्या अपघातात आयशर चालक संभाजी गाेसावी (४५, रा. काेल्हापूर) हे गंभीर जखमी झाले असून, त्यांना प्रथम साखरपा येथे, नंतर अधिक उपचारासाठी रत्नागिरी येथे हलविण्यात आले, तर गणेश गाेळे किरकाेळ जखमी झाले. त्यांच्यावर साखरपा प्राथमिक आराेग्य केंद्रात उपचार करण्यात आले.

अपघातामुळे महामार्गावर काहीवेळ वाहतूक खाेळंबली हाेती. अपघाताचे वृत्त समजताच पाेलीस उपनिरीक्षक विद्या पाटील, पाेलीस नाईक अर्पिता दुधाणे, हेमा गाेनावडे, काॅन्स्टेबल वैभव कांबळे, प्रशांत नागवेकर, वैभव नटे यांनी घटनास्थळी दाखल हाेऊन वाहतूक सुरळीत केली. अपघाताची कार्यवाही साखरपा पाेलिसांकडून सुरू आहे.