अलोरेतील खड्डे राष्ट्रवादी काँग्रेस युवक, विद्यार्थी संघटनेने बुजविले

चिपळूण : तालुक्यातील अलोरे येथील रस्त्यावर खड्डे पडले असून, खासदार सुनील तटकरे यांच्या वाढदिवसाचे औचित्य साधून अलोरेतील राष्ट्रवादी काँग्रेसचे युवक व विद्यार्थी संघटनेने आमदार शेखर निकम यांच्या मार्गदर्शनाखाली व पंचायत समितीचे सदस्य बाबू साळवी यांच्या नेतृत्वाखाली खड्डे बुजविण्यात आले.

अलोरे मोहल्ला आणि स्वयंभू मंदिराकडे जाणाऱ्या रस्त्यावर खड्डे पडले आहेत. त्यामुळे पावसाळ्यात पादचारी व दुचाकीधारक यांना नाहक त्रास सहन करावा लागत आहे, तर दोन तीन अपघातही झाले आहेत. ही बाब लक्षात घेऊन अलोरे येथील राष्ट्रवादी काँग्रेसचे युवक व विद्यार्थी संघटनेने खड्डे बुजविण्यात आले. यावेळी चिपळूण संगमेश्वर विधानसभा विद्यार्थी संघटना क्षेत्राध्यक्ष योगेश मोहिते, संजय मोहिते, रोहित देवरे, किरण मुनावली, राकेश चव्हाण, साहिल चिपळूणकर, राकेश लाड, सचिन भेलेकर, संदीप धामणस्कर, जिबरान कडवेकर, शुभम केळशीकर, अजय सोनार, संज्योत जाधव, विशाल जाधव उपस्थित होते. यावेळी माजी सरपंच भाऊ मोहिते, राकेश जाधव, आर्षद शेख, ग्रामपंचायत सदस्य प्रमोद महाजन यांनी उपक्रमाचे कौतुक केले.

100721\1533-img-20210710-wa0011.jpg

अलोरेतील खड्डे राष्ट्रवादी कॉग्रेस युवक, विद्यार्थी संघटनेने बुजविले