गुहागरच्या तहसीलदारपदी प्रतिभा वराळे

असगाेली : गुहागरच्या तहसीलदारपदी प्रतिभा वराळे यांची नियुक्ती करण्यात आली असून, त्यांनी साेमवारी या पदाचा पदभार स्वीकारला. त्यांनी पदभार स्वीकारताच गुहागर तालुका भाजपतर्फे त्यांची भेट घेऊन स्वागत करण्यात आले.

शासनस्तरावरून दाेन दिवसांपूर्वी तहसीलदारांच्या बदल्या करण्यात आल्या आहेत. या बदल्यांमध्ये गुहागर येथील तहसीलदार लता धाेत्रे यांचीही बदली करण्यात आली आहे. त्यांच्या जागी राजापूर येथे तहसीलदार म्हणून काम करणाऱ्या प्रतिभा वराळे यांची बदली करण्यात आली आहे. त्यांनी साेमवारी तहसीलदार पदाचा कार्यभार स्वीकारला.

प्रतिभा वराळे यांचे गुहागर तालुका भाजपतर्फे पुष्पगुच्छ देऊन स्वागत करण्यात आले. यावेळी भाजपचे तालुकाध्यक्ष नीलेश सुर्वे, सरचिटणीस सचिन ओक, युवा मोर्चाचे शहराध्यक्ष मंदार पालशेतकर, नगरसेवक समीर घाणेकर, मृणाल गोयथळे, ज्येष्ठ कार्यकर्ते नरू वराडकर उपस्थित हाेते.