दापाेलीतील टाळसुरेत सासऱ्याने केला सुनेचा खून, खुनानंतर केला आत्महत्येचा प्रयत्न

दापोली : तालुक्यातील टाळसुरे येथे विवाहितेचा खून केल्याची घटना मंगळवारी (२९ मार्च) दुपारी १२.३० वाजण्याच्या दरम्यान घडली. आरती अभिषेक सणस (३२) असे खून झालेल्या विवाहितेचे नाव आहे. तिच्या खुनानंतर तिच्या सासऱ्यांनी आत्महत्या करण्याचा प्रयत्न केल्याचे समाेर आले आहे. घरातीलच काेणीतरी हा खून केल्याचा प्राथमिक अंदाज पोलिसांनी वर्तविला आहे.

टाळसुरे येथील आरती सणस ही आशासेविका म्हणून कार्यरत हाेती. तिचा विवाह हाेऊन आठ वर्षे झाली असून, सहा वर्षांचा मुलगा आहे. तिचा मंगळवारी दुपारी खून झाल्याचा प्रकार उघड झाला.

याबाबत माहिती मिळताच उपविभागीय पाेलीस अधिकारी, पाेलीस निरीक्षक घटनास्थळी दाखल झाले. त्यावेळी तिचे सासरे मधुकर धाेंडू सणस यांनी स्वत:वर वार करुन आत्महत्या करण्याचा प्रयत्न केल्याचे समाेर आले. त्यांना जखमी अवस्थेत डेरवण येथे हलविण्यात आले आहे.