वनविभागातर्फे चिपळुणात वृक्षाराेपण

लोकमत न्यूज नेटवर्क

अडरे : चिपळूण येथील वनविभागाच्या कार्यालयाच्या आवारात वृक्षाराेपण करण्यात आले़ आमदार शेखर निकम यांच्याहस्ते जारुळ राेपांचे वृक्षाराेपण करण्यात आले़

चिपळूण येथील विभागीय वन अधिकारी दीपक खाडे व सहाय्यक वनसंरक्षक सचिन निलख यांच्या मार्गदर्शनाखाली हा कार्यक्रम आयाेजित करण्यात आला हाेता़ कार्यक्रमात शाैकत मुकादम, पर्यावरणप्रेमी राम रेडिज, उद्योजक नीलेश बापट, मानद वन्यजीव रक्षक रत्नागिरी जिल्हा व त्यांचे सहकारी, परिक्षेत्र वन अधिकारी राजश्री कीर, वनविभागाचे अधिकारी व कर्मचारी उपस्थित होते. वृक्षारोपण कार्यक्रमानंतर शेखर निकम यांनी वर्षभर वेळोवेळी वृक्ष लागवड करून लावलेल्या वृक्षांचे संगोपन करण्याबाबत मार्गदर्शन केले. त्यानंतर जागतिक पर्यावरण दिनानिमित्त विशेषांकाचे आमदार शेखर निकम यांच्या हस्ते प्रकाशन करण्यात आले़