वेरळ घाटात ट्रक पलटी होऊन अपघात

लांजा : गोव्याहून मुंबईच्या दिशेने जाणारा आयशर ट्रक ३५ फूट खाेल दरीत काेसळल्याची घटना वेरळ (ता. लांजा) येथे शुक्रवारी रात्री १० वाजण्याच्या दरम्यान घडली. या अपघातात ट्रकचालक अजयकुमार मुन्शीराम निशाद (३१, रा. मिर्झापूर, उत्तरप्रदेश) हा किरकाेळ जखमी झाला आहे.

या अपघाताची माहिती ट्रकचालक अजयकुमार मुन्शीराम निशाद याने पाेलिसांना दिली. ताे शुक्रवारी रात्री आयशर ट्रक (एमएच ४३, यु ९४३६) घेऊन गाेव्याहून मुंबईच्या दिशेने जात हाेता. वेरळ घाट उतरत असताना त्याचा ट्रकवरील ताबा सुटला आणि ट्रक रस्त्याच्या डाव्या बाजूला दरीत काेसळला. या अपघातात चालक अजयकुमार निशाद जखमी झाला आहे. दारूच्या नशेत ट्रक चालवून अपघात केल्याप्रकरणी पाेलिसांनी चालकावर गुन्हा दाखल केला आहे. अधिक तपास लांजा पाेलीस स्थानकाचे दिनेश आखाडे करत आहेत.

--------------------------------------

लांजा तालुक्यातील वेरळ घाटात ट्रक पलटी हाेऊन झालेल्या अपघातात चालक जखमी झाला आहे. (छाया : अनिल कासारे)