दुचाकीला अपघात

रत्नागिरी : दुचाकीला पाठीमागून धडक देत अपघात केल्याप्रकरणी कारचालकविरोधात शहर पोलीस स्थानकात गुन्हा दाखल करण्यात आला आहे. ही घटना रविवार, १३ जून रोजी सायंकाळी ४.४५ वाजेचा सुमारास शहरातील गोडबोले स्टॉप येथे घडली.

दस्तगीर मुल्ला (रा. शेट्येनगर, रत्नागिरी) असे गुन्हा दाखल करण्यात आलेल्या कारचालकाचे नाव आहे. त्याच्या विरोधात अपघातातील जखमी दुचाकीस्वार सतीश प्रभाकर शेट्ये (५२, रा. एकता मार्ग मारुती मंदिर, रत्नागिरी) यांनी तक्रार दिली आहे. रविवारी सायंकाळी शेट्ये आपल्या एव्हिएटर दुचाकीवरून (क्र. एमएच ०८ एएफ ४८१७) उद्यमनगर ते जे. के. फाइल्स असे जात होते. गोडबोले स्टॉपजवळ आले असता पाठीमागून येणाऱ्या स्विफ्ट कारने (क्र. एमएच १२ एसएफ २२५८) त्यांना धडक दिली. यात शेट्ये यांना किरकोळ दुखापत झाली असून, गाडीचे नुकसान झाले आहे. अधिक तपास सहायक पोलीस फौजदार भगवान पाटील करत आहेत.