दुचाकीची दुचाकीस्वाराला धडक

रत्नागिरी : बेदरकारपणे दुचाकी चालवून अन्य दुसऱ्या दुचाकीला धडक देत अपघात केल्याप्रकरणी

चालकाविरोधात शहर पोलीस स्थानकात गुन्हा दाखल करण्यात आला आहे. ही

घटना १४ मार्च रोजी दुपारी ३ वाजण्याच्या सुमाराला रत्नागिरी शहरातील जेल नाका सर्कलजवळ घडली

होती.

या अपघाताबाबत गुरुवार, २५ मार्च रोजी शहर पोलीस स्थानकात फिर्याद दाखल करण्यात आली आहे. सुफियान शमशिद वस्ता (रा. राजीवडा, रत्नागिरी)

असे गुन्हा दाखल करण्यात आलेल्या दुचाकी चालकाचे नाव आहे. या अपघातात

अजित शंकर तळेकर (२९, रा. खडपेवठार, रत्नागिरी) हे जखमी झाले आहेत. रविवारी दुपारी अजित तळेकर आपली दुचाकी (एमएच ०८, एयु २६२१) घेऊन एस. टी. स्टँड ते माळनाका असे जात होते. त्याचवेळी सुफियान दुचाकी (एमएच ०८, एडब्ल्यू ३४७६) घेऊन

लाला कॉम्प्लेक्सकडून भरधाव वेगाने येत होता. ही दोन्ही वाहने जेलनाका सर्कलजवळ आली असता सुफियानने अजित तळेकर यांच्या दुचाकीला धडक देत अपघात

करुन पळ काढला होता. या अपघातात तळेकर किरकोळ जखमी झाले होते.