पडवे गटातर्फे २६ रोजी जिल्हा परिषद अध्यक्ष, सभापतींचा सत्कार

आबलोली : गुहागर तालुक्यातील जिल्हा परिषद पडवे गटात शुक्रवार, दि. २६ मार्च २०२१ रोजी दुपारी ३.३० वा. जिल्हा परिषद रत्नागिरीचे अध्यक्ष विक्रांत जाधव हे शिवसेना शाखाप्रमुख संदीप निमुणकर आबलोली यांच्या निवासस्थानी गटातील कार्यकर्त्यांना भेटण्यासाठी उपस्थित राहणार आहेत. यावेळी त्यांचा व गुहागरच्या नूतन सभापती पूर्वी निमुणकर यांचा गटातर्फे सत्कार करण्यात येणार आहे.

पडवे गट सदस्य तथा जिल्हा परिषदेचे उपाध्यक्ष महेश नाटेकर, शिवसेना तालुकाप्रमुख सचिन बाईत, उपतालुकाप्रमुख संजय बाईत, शिवसैनिक विनायक मुळे, युवासेना उपजिल्हाधिकारी सचिन जाधव, जिल्हा कार्यकारिणी सदस्य प्रदीप सुर्वे यावेळी उपस्थित राहणार आहेत. गटातील सर्व शिवसैनिकांनी उपस्थित रहावे, असे आवाहन खोडदे गण विभागप्रमुख रवींद्र आंबेकर, पडवे गण विभागप्रमुख नरेश निमुणकर यांनी केले आहे.