मीनाक्षीताई महाडिक विद्यालयाच्या विद्यार्थिनीस २ लाखांची शिष्यवृत्ती

पेठ नाका येथे मालेवाडीच्या मीनाक्षीताई महाडिक विद्यालयातील मुलींचा सत्कार राहुल महाडिक, मीनाक्षाताई महाडिक यांच्याहस्ते करण्यात आला.

लोकमत न्यूज नेटवर्क

इस्लामपूर : मालेवाडी (ता. वाळवा) येथील मीनाक्षीताई महाडिक माध्यमिक विद्यालयातील दहावीच्या विद्यार्थिनी सानिया शशिकांत भाेसले हिने ९२ टक्के, स्नेहल श्रीकांत वाजे हिने ८९ टक्के आणि धनश्री धनाजी माने हिने ८७ टक्के गुणांसह अनुक्रमे प्रथम, द्वितीय आणि तृतीय क्रमांक पटकाविला.

सानिया भाेसले हिला ९० टक्केपेक्षा जास्त गुण मिळाल्याने तिला भारतरत्न डॉ. बाबासाहेब आंबेडकर विशेष अनुदान योजनेमधून २ लाख रुपयांची शिष्यवृत्ती मिळाली आहे. पेठ नाका येथे संस्थेचे मार्गदर्शक राहुल महाडिक आणि मीनाक्षीताई महाडिक यांच्याहस्ते यशस्वी विद्यार्थिनींचे अभिनंदन करण्यात आले. यावेळी मुख्याध्यापक माने, भगवान पाटील (मालेवाडी) उपस्थित होते.