जिल्ह्यात कोरोनाचे नवे ९२९ रुग्ण

सांगली : जिल्ह्यात कोरोनाबाधितांच्या संख्येत मंगळवारी वाढ झाली. दिवसभरात नवे ९२९ रुग्ण आढळून आले असून, जिल्ह्यातील २२ व परजिल्ह्यातील ३ अशा २५ जणांचा मृत्यू झाला. ९२७ जणांनी कोरोनावर मात केली, तर उपचाराखालील १०२१ जणांची प्रकृती चिंताजनक आहे.

जिल्ह्यात गेल्या चार दिवसांपासून कोरोना रुग्णांच्या संख्येत चढ - उतार होत आहे. सोमवारी आठशे रुग्ण आढळले होते. त्यात मंगळवारी १२९ने वाढ झाली. वाळवा तालुक्यात सर्वाधिक २६४ रुग्ण आढळून आले. तसेच आटपाडी तालुक्यात २६, जत २३, कडेगाव ५०, कवठेमहांकाळ २७, खानापूर ३४, मिरज १००, पलूस ८६, शिराळा ६५, तासगाव ४८, तर महापालिका क्षेत्रात सांगलीत १५३, मिरजेत ५३ असे २०६ रुग्ण आढळून आले. जिल्ह्याबाहेरील सोलापूर, कोल्हापूर, सातारा, पुणे, मुंबई, कर्नाटकातील २६ रुग्णही उपचारासाठी दाखल झाले आहेत.

दिवसभरात जिल्ह्यातील २२ जणांचा मृत्यू झाला. त्यात कडेगाव, तासगाव तालुक्यातील प्रत्येकी २, खानापूर १, मिरज ४, शिराळा ३, वाळवा तालुक्यातील ७, तर महापालिका क्षेत्रात मिरजेतील दोन व कुपवाडमधील एक अशा तीन रुग्णांचा समावेश आहे. जिल्ह्याबाहेरील कोल्हापूर जिल्ह्यातील २ व सोलापूर येथील एक अशा तीन जणांचाही कोरोनाने बळी घेतला.

सध्या १०२१ रुग्णांची प्रकृती चिंताजनक आहे, तर जिल्ह्यातील ९२७ व जिल्ह्याबाहेरील १० रुग्णांनी कोरोनावर मात केली. एकूण आरटीपीसीआरच्या २,४२४ चाचण्यात २८७ पाॅझिटिव्ह, तर अँटिजनच्या ८,००९ चाचण्यात ६६८ रुग्ण सापडले.

चौकट

आतापर्यंतचे बाधित : १,३७,८८८

कोरोनामुक्त झालेले : १,२५,५४०

आतापर्यंतचे मृत्यू : ३,९३१

चौकट

मंगळवारी दिवसभरात...

सांगली : १५३

मिरज : ५३

आटपाडी : २६

जत : २३

कडेगाव : ५०

कवठेमहांकाळ : २७

खानापूर : ३४

मिरज : १००

पलूस : ८६

शिराळा : ६५

तासगाव : ४८

वाळवा : २६४