जिल्ह्यात कोरोनाचे ९८४ नवे रुग्ण; १९ जणांचा मृत्यू

सांगली : जिल्ह्यातील कोरोना रुग्णसंख्येत शुक्रवारी काहीशी घट होत नवे ९८४ रुग्ण आढळले. परजिल्ह्यातील दोघांसह जिल्ह्यातील १७ अशा १९ जणांचा मृत्यू झाला, तर बाधितांपेक्षा बरे होणाऱ्यांचे प्रमाण वाढत ११२० जण कोरोनामुक्त झाले. म्युकरमायकोसिसचे तीन नवे रुग्ण आढळले, तर दोघांचा मृत्यू झाला.

जिल्ह्यातील १७ जणांचा मृत्यू झाला. त्यात सांगली १, मिरज ४, कडेगाव ३, खानापूर, कवठेमहांकाळ, वाळवा तालुक्यात प्रत्येकी २, पलूस, शिराळा आणि मिरज तालुक्यांत प्रत्येकी एकाचा मृत्यू झाला.

चाचण्यांचे प्रमाण वाढविताना आरोग्य यंत्रणेने आरटीपीसीआर अंतर्गत ४०७४ जणांच्या नमुने तपासणीतून २७७ जण पॉझिटिव्ह आढळले. रॅपिड अँटिजनच्या ९४७२ जणांच्या नमुने तपासणीतून ७२४ जण बाधित आढळले.

उपचार घेत असलेल्या ९७१३ रुग्णांपैकी ९८६ जणांची प्रकृती चिंताजनक आहे. त्यातील ८३४ जण ऑक्सिजनवर, तर १५२ जण व्हेंटिलेटरवर उपचार घेत आहेत. परजिल्ह्यातील दोघांचा मृत्यू झाला, तर नवे १७ रुग्ण उपचारास दाखल झाले.

चौकट -

म्युकरमायकोसिसच्या रुग्णसंख्येत पुन्हा वाढ झाली. दिवसभरात तीन नवे रुग्ण आढळून येतानाच दोघांचा मृत्यू झाला.

चाैकट -

आतापर्यंतचे एकूण बाधित १५४७८२

उपचार घेत असलेले ९७१३

कोरोनामुक्त झालेले १४०८३८

आतापर्यंतचे एकूण मृत्यू ४२३१

पॉझिटिव्हिटी रेट ६.८०

शुक्रवारी दिवसभरात

सांगली १८६

मिरज ३४

आटपाडी ३८

कडेगाव ४९

खानापूर ७८

पलूस ५७

तासगाव ६५

जत ६१

कवठेमहांकाळ ५६

मिरज तालुका ११२

शिराळा ४८

वाळवा २००