अतुल मोरे यांची राष्ट्रवादीच्या डॉक्टर सेल प्रदेश उपाध्यक्षपदी निवड

इस्लामपूर : राष्ट्रवादी काँग्रेसच्या डॉक्टर सेलच्या प्रदेश उपाध्यक्षपदी इस्लामपूर शहरातील डॉ. अतुल भगवान मोरे यांची निवड करण्यात आली.

राष्ट्रवादी काँग्रेसचे प्रदेशाध्यक्ष, जलसंपदा मंत्री जयंत पाटील यांनी त्यांना निवडपत्र देऊन शुभेच्छा दिल्या. यावेळी डॉ. दिलीप साळुंखे, डॉ. अमित सूर्यवंशी उपस्थित होते. डॉ. मोरे हे इस्लामपूर शहरात गेल्या २४ वर्षांपासून रुग्णसेवा करत असून त्यांनी डॉक्टर सेलचे इस्लामपूर शहराध्यक्ष म्हणून १५ वर्षे, तर जिल्हा उपाध्यक्ष म्हणून गेली ३ वर्षे काम केले आहे. त्यांनी महापूर व कोरोनाच्या संकटकाळात अतुलनीय काम केलेले आहे. ते इस्लामपूर मेडिकल असोसिएशन, इंडियन मेडिकल असोसिएशन, लायन्स क्लब, अविष्कार कल्चरल ग्रुप, जायंटस् क्लब व नाट्यपरिषद आदी संस्थांच्या माध्यमातून राजकीय, सामाजिक वैद्यकीय, सांस्कृतिक, कलाक्षेत्रात सक्रिय आहेत.

फोटो : २२१२२०२०-आयएसएलएम-इस्लामपूर सत्कार न्यूज

ओळी : इस्लामपूर येथे राष्ट्रवादी काँग्रेसच्या डॉक्टर सेलचे प्रदेश उपाध्यक्ष डॉ. अतुल मोरे यांना राष्ट्रवादी काँग्रेसचे प्रदेशाध्यक्ष जयंत पाटील यांनी निवडीचे पत्र देत शुभेच्छा दिल्या. यावेळी डॉ. दिलीप साळुंखे, डॉ. अमित सूर्यवंशी उपस्थित होते.