आरगला दारूचे बिल मागितल्याने बार चालकास मारहाण

आरगेत विशाल बारमध्ये गणेश जाधव व त्याचे अन्य सात ते आठ साथीदार असे सर्वजण दारू पिण्यास गेले होते. त्यांनी मागविलेल्या दारूचे बिल ११६० रुपये झाले होते. बार चालक मारुती ठोंबरे यांनी बिल मागितल्यानंतर, गणेश जाधव व त्याच्या साथीदारांनी शिवीगाळ करत धक्काबुक्की केली. त्यानंतर लाकडी बॅट, पाण्याचा जग डोक्यात मारल्याने मारुती ठोंबरे यांच्या हाताचे बोट तुटले. हॉटेलच्या कॉन्टरवरील एलईडी, सीसीटीव्ही कॅमेरा फोडण्यात आला. छतावरील काैले, दगड व सोड्याची बाटली फेकून मारहाण करण्यात आली. या मोडतोडीत बारचे १२ हजार रुपयांचे नुकसान झाले .

याबाबत मारुती ठोंबरे यांनी मिरज ग्रामीण पोलिसांत फिर्याद दिल्याने गणेश जाधव व त्याच्या सात साथीदारांविरुद्ध गुन्हा दाखल झाला आहे.