जायंट्स ग्रुपच्यावतीने भिलवडीत रक्त, नेत्र तपासणी शिबिर

भिलवडी : जायंट्स परिवाराचे संस्थापक उद्योगपती काकासाहेब चितळे यांच्या प्रथम पुण्यस्मरण दिनानिमित्त भिलवडी जायंट्स ग्रुपच्यावतीने मोफत रक्त व नेत्र तपासणी शिबिर तसेच रांगोळी व चित्रकला स्पर्धा झाल्या.

माता बालसंगोपन केंद्र, लायन्स नॅब मिरज, महालॅब आदींचे सहकार्य लाभले. यावेळी २५० रुग्णांची नेत्र तपासणी, तर १३७ रुग्णांची रक्त तपासणी करण्यात आली. रांगोळी स्पर्धेत संपदा कदम, मनस्वी मोरे, तेजस गोरे या विजेत्यांना, तर चित्रकला स्पर्धेतील अनुजा गुजर, मनस्वी मोरे, श्वेता पाटील, प्राची वावरे या विजेत्या स्पर्धकांना गौरविण्यात आले.

उद्योजक गिरीश चितळे, मकरंद चितळे, डॉ. सौ. वैशाली साळुंखे, के. आर. पाटील, सुनील परीट, राजन कुलकर्णी, डी. आर. कदम, भगवान शिंदे, उत्तम मोकाशी, सौ. सुनीता पाटील, डॉ. सी. व्ही. कुलकर्णी, विकास किणीकर, सुधीर गुरव, जी. ए. शेख, वसंतराव धोत्रे आदी उपस्थित होते.