एकत्र येऊन गावातील प्रश्न सोडवा

फोटो ओळी : बांबवडे (ता. शिराळा) येथील भाजपच्या कार्यकर्त्यांनी राष्ट्रवादी काँग्रेसमध्ये प्रवेश केला. आमदार मानसिंगराव नाईक, विश्वास पाटील यांनी त्यांचा सत्कार केला.

लोकमत न्यूज नेटवर्क

शिराळा

: जुन्या-नव्या कार्यकर्त्यांनी एकत्रितपणे काम करून गावपातळीवर सामाजिक प्रश्न सोडविण्यासाठी प्रयत्न करावेत, असे प्रतिपादन आमदार मानसिंगराव नाईक यांनी केले.

चिखली (ता. शिराळा) येथे बांबवडे येथील भाजपच्या विद्यमान ग्रामपंचायत सदस्य व माजी ग्रामपंचायत सदस्यांसह प्रमुख नेत्यांनी राष्ट्रवादी काँग्रेसमध्ये प्रवेश केला. त्यावेळी ते बोलत होते. ‘विश्वास'चे संचालक विश्वास पाटील प्रमुख उपस्थितीत होते.

आमदार नाईक म्हणाले, राष्ट्रवादी काँग्रेस पक्ष तालुक्यातील सर्वात मोठा पक्ष आहे. दिवसेंदिवस त्यात वाढ होत आहे. त्यामुळे विरोधी पक्षाचे कार्यकर्ते विकासाच्या प्रवाहात किंबहुना राष्ट्रवादी काँग्रेसमध्ये सहभागी होत आहेत.

ग्रामपंचायत सदस्य निवास दत्तू ताटे, माजी ग्रामपंचायत सदस्य हणमंत कृष्णा जांभळे, हणमंत गावडे, विजय शेळके, भाजप युवक कार्यकारिणी सदस्य सुदाम पवार यांनी राष्ट्रवादी काँग्रेसमध्ये प्रवेश केला. त्यांचा आमदार मानसिंगराव नाईक यांनी सत्कार केला. यावेळी सुकुमार पाटील, संजय पाटील, आत्माराम हिंगणे, सर्जेराव कौचाळे, भारत माने, जयसिंग जाधव, हैबती माने, किरण बारपटे, वसंत झेंडे, हौसेराव माने, भाऊसो माने, विजय धुमाळ आदी उपस्थित होते.