ढगेवाडीत रस्त्यांचा कामाचा प्रारंभ

ऐतवडे बुद्रूक : ढगेवाडी येथील नवीन ग्रामपंचायत इमारतीसाठी लवकरात लवकर निधी उपलब्ध करून देऊ, अशी ग्वाही आ. मानसिंगराव नाईक यांनी दिली

ढगेवाडी (वाळवा) येथे २५/१५ योजनेतून सावंत गल्ली व सकटे गल्लीच्या रस्त्यांचा कामाचा प्रारंभ आ. नाईक यांच्याहस्ते करण्यात आला. यावेळी ते बोलत होते. आ. नाईक म्हणाले, गावच्या विकासासाठी आमदार फंडातून विविध विकास कामे करण्यासाठी आम्ही सदैव तत्पर आहोत. जी कामे करण्यात येणार आहेत ती उत्कृष्ट पद्धतीने करण्यात यावीत. यावेळी सरपंच मनीषा खोत, वाळवा तालुका युवक राष्ट्रवादीचे सरचिटणीस संदीप सावंत, सोसायटीचे अध्यक्ष मोहन सावंत, माजी सरपंच रघुनाथ जाधव, ग्रामपंचायत सदस्य दिलीप जाधव, तेजश्री माने, सुशीला जाधव, सुजाता खोत, संदीप पाटील, शंकर कचरे, प्रकाश खोत, नागनाथ खोत, युवक राष्ट्रवादी अध्यक्ष वैभव माने, किरण खोत, ग्रामसेवक लतिका जाधव उपस्थित होते.