आरग प्राथमिक आरोग्य केंद्रातील कोरोना योद्ध्यांचा सत्कार

आरगमध्ये प्राथमिक आरोग्य केंद्रातील कोरोना योद्ध्यांचा सत्कार नगरसेविका संगीता हारगे, अभिजित हारगे यांच्या हस्ते झाला. यावेळी डॉ. नितीन चिकुर्डेकर, श्रेया बोरगावे, संतोष देसाई आदी उपस्थित होते.

लोकमत न्यूज नेटवर्क

लिंगनूर : कोरोनाशी लढा देताना भरीव कामगिरी करणाऱ्या आरग प्राथमिक आरोग्य केंद्रातील कोरोना योद्ध्यांचा राष्ट्रवादी काँग्रेसतर्फे सत्कार करण्यात आला.

वैद्यकीय अधिकारी डॉ. नितीन चिकुर्डेकर, डॉ. श्रेया बोरगावे, आरोग्यसेवक मोहन शिरदवाडे तसेच परिचारिका, सफाई कामगार व आशा कार्यकर्त्यांना गौरविण्यात आले. गावातील खासगी डॉक्टरांचाही सत्कार झाला. राष्ट्रवादी काँग्रेसचे मिरज शहर अध्यक्ष अभिजित हारगे व नगरसेविका संगीता हारगे यांच्या हस्ते सत्कार झाले. यावेळी जिल्हा उपाध्यक्ष विजय माळी, संतोष देसाई, सुधीर कवाळे, संजय नागठाणे आदी उपस्थित होते.

गेल्या सव्वा वर्षाच्या कोरोना महामारीत आरोग्य कर्मचाऱ्यांनी कोरोना नियंत्रणासाठी अनेक प्रयत्न केले. जिल्हा परिषदेकडे पाठपुरावा करून सुविधा उपलब्ध करून घेतल्या. नुकतेच कोविड सेंटरही सुरू झाले आहे. लसीकरणामध्येही शिस्त राखत जास्तीतजास्त ग्रामस्थांचे लसीकरण केले. याची दखल घेत सत्कार करण्यात आला.