जत तालुक्यात विनापरवाना मद्यविक्री करणाऱ्या चाैघांवर गुन्हा

जत : जत तालुक्यात लाॅकडाऊन कालावधीत विनापरवाना मद्य विक्री करणाऱ्या चार जणांच्या विरोधात गुन्हा दाखल करून त्यांच्याकडून ८२ हजार ५९२ रुपयांचा मुद्देमाल जप्त करण्यात आला.

याबाबत अधिक माहिती अशी की,

अमीर गौसपीर व्हसट्टी (रा. करजगी ता. जत), भिमशा तम्माराया कोळी (रा. उटगी ता. जत), सिद्राया सिद्धाप्पा कोळी (रा. उटगी, ता. जत),

परशुराम मळसिद्धाप्पा कर्कोजारी (रा. उटगी, ता. जत) हे तिघे जण जिल्हाधिकाऱ्यांना आदेश डावलून मद्य विक्री करत असताना राज्य उत्पादन शुल्कच्या भरारी पथकास सापडले. निरीक्षक सी. वाय. वळसे, दत्तात्रय चव्हाण व संजय वाडेकर यांनी त्यांच्या विरोधात गुन्हा दाखल केला. त्यांना अटक करण्यात आली आहे. ही कारवाई रविवारी दुपारी करण्यात आली. या कारवाईत देशी व विदेशी मद्याचे एकूण २२ बॉक्स जप्त करण्यात आले. त्याची किंमत ८२ हजार ५९२ रुपये आहे.