शिराळा-शिरशी बसची मागणी

शिराळा : येथील एसटी आगरामार्फत शिरशी आदी भागात बस सेवा सुरू करावी, अशी मागणी प्रवासी तसेच विद्यार्थ्यांतून होत आहे.

कोरोनाच्या पार्श्वभूमीवर बस सेवा बंद करण्यात आली होती. ती आता हळूहळू सुरू करण्यात येत आहे. मात्र, तालुक्याच्या उत्तर भागातील शिरशी या प्रमुख गावामध्ये ही सेवा सुरू झालेली नाही. त्यामुळे विद्यार्थी तसेच प्रवाशांचे हाल होत आहे. याबाबत सरपंच एम. बी. भोसले यांनी आगारप्रमुख विद्या कदम यांना निवेदन ही दिले आहे. या मार्गावर त्वरित बस सुरू करावी अन्यथा आंदोलन करण्यात येईल, असा इशारा देण्यात आला आहे.

एसटी महामंडळाने मुंबई येथे बस तसेच मालवाहतुकीसाठी चालक, वाहक दिल्याने प्रवासी वाहतूक करण्यासाठी लागणारा कर्मचारी वर्ग अपुरा पडत आहे. त्यामुळे प्रवासी आहेत. मात्र, बस सेवा सुरू करता येत नाही, अशी परिस्थिती निर्माण झाली आहे.