विकासातूनच गावांची सुधारणा होणार

ढगेवाडी (ता. वाळवा) येथे उपसरपंचपदी निवड झाल्याबद्दल किरण पोर्लेकर यांचा सम्राट महाडिक यांच्या हस्ते सत्कार करण्यात आला. यावेळी जगन्नाथ माळी, तुकाराम खटावकर, केशव पाटील, यश खटावकर उपस्थित होत.

लोकमत न्यूज नेटवर्क

इस्लामपूर : ढगेवाडी येथे विकासासाठी सर्वांनी मतभेद विसरून एकत्र काम केले पाहिजे. गावाचा विकास झाला तरच गाव सुधारेल. गावाच्या विकासासाठी मी सर्वतोपरी मदत करेन, असे प्रतिपादन महाराष्ट्र प्रदेश भाजपा कार्यसमिती सदस्य सम्राट महाडिक यांनी केले.

ढगेवाडी (ता. वाळवा) येथे नूतन उपसरपंचपदी किरण पोर्लेकर यांची निवड झाल्याबद्दल यांच्या सत्कारप्रसंगी ते बोलत होते. यावेळी सभापती जगन्नाथ माळी, ऐतवडे बुद्रुकचे माजी उपसरपंच तुकाराम खटावकर यांची उपस्थिती होती.

महाडिक म्हणाले, कोरोनाच्या महामारीमध्ये सामान्य लोकांचे हाल होत आहेत. गावातील प्रत्येकाने स्वत: ची काळजी स्वत: घेतली पाहिजे ही सध्याची गरज आहे. ग्रामपंचायतीच्यावतीने कोरोनाला रोखण्यासाठी सर्व प्रकारच्या उपाययोजना चालू आहेत. नूतन उपसरपंच किरण पोर्लेकर हे गावातील सर्वसामान्य लोकांचे प्रश्न सोडविण्यास प्रयत्नशील असतील.

यावेळी केशव पाटील, यश खटावकर, पै. बबन शिंदे, पांडुरंग गायकवाड, सरगम मुल्ला आदी उपस्थित होते.