कुपवाडला दत्तात्रय पाटोळे यांच्या स्मरणार्थ पूरग्रस्तांच्या जनावरांना चारा वाटप

कुपवाड : सांगली शहर राष्ट्रवादीचे माजी जिल्हा उपाध्यक्ष दत्तात्रय महादेव पाटोळे यांच्या प्रथम पुण्यस्मरण दिनानिमित्त सांगलीतील पूरग्रस्त भागातील नागरिकांसाठी जेवण व त्यांच्या जनावरांसाठी चारा वाटप करण्यात आले.

दत्तात्रय पाटोळे यांच्या पत्नी वनिता पाटोळे व युवक राष्ट्रवादीचे माजी अध्यक्ष सागर माने यांच्यावतीने तसेच नगरसेवक विष्णू माने, शेडजी मोहिते, शहर जिल्हा उपाध्यक्ष विजय खोत, युवकचे अध्यक्ष सुनील भोसले यांच्या प्रमुख उपस्थितीत पूरग्रस्त भागातील नागरिकांसाठी जेवण व जनावरांसाठी चारा वाटप करण्यात आले. आण्णाप्रेमी ग्रुप व राष्ट्रवादीच्यावतीने वाघमोडेनगर येथील पाटोळे यांच्या निवासस्थानी तसेच कुपवाड येथे उभारलेल्या निवारा केंद्रात दत्ता पाटोळे यांच्या पुण्यस्मरण दिनानिमित प्रतिमा पूजन करून अभिवादन करण्यात आले. यावेळी शहराध्यक्ष संजय तोडकर, अमित वाघमोडे, चेतन पाटोळे, सुरेश शिंदे, प्रशांत बजंत्री, प्रथमेश मस्के, गजानन सरगर यांसह राष्ट्रवादीचे पदाधिकारी व कार्यकर्ते उपस्थित होते.

फोटो : ३० कुपवाड १

ओळ : कुपवाड येथे दत्तात्रय पाटोळे यांच्या स्मरणार्थ पूरग्रस्तांच्या जनावरांना चारा वाटप करण्यात आले. यावेळी वनिता पाटोळे, सागर माने, विष्णू माने आदी उपस्थित होते.