वशी, लाडेगाव, जक्राईवाडीत घरोघरी मास्क, सॅनिटायझरचे वाटप

वशी, लाडेगाव, जक्राईवाडी पाणीपुरवठा संस्थेच्यावतीने मास्क, सॅनिटायझरचे वाटप करण्यात आलेला आहे.

लोकमत न्यूज नेटवर्क

वशी : वशी, लाडेगाव, जक्राईवाडी पाणीपुरवठा संस्थेच्यावतीने संस्थेच्या कार्यक्षेत्रात येणाऱ्या वशी, लाडेगाव, जक्राईवाडी या गावातील नागरिकांना घरोघरी मास्क, सॅनिटायझर व साबण वाटप करण्यात आलेला आहे. नागरिकांनी प्रशासनाला सहकार्य करावे, असे आवाहन पंचायत समिती सदस्य पी. टी. पाटील यांनी केले.

नागरिकांनी कोरोनाची विनाकारण भीती बाळगण्याचे कारण नाही. आपण स्वत:ची व स्वत:च्या कुटुंबाची सुरक्षिततेला प्रथम प्राधान्य देणे गरजेचे आहे. सध्या लोक बेफिकीरपणे लॉकडाऊन असतानाही फिरत असतात. त्यामुळे कोरोणाचा प्रादुर्भाव वाढत आहे. हा वाढता प्रादुर्भाव रोखणे सर्वांचीच जबाबदारी आहे. आरोग्य विभाग व पोलीस प्रशासन यासाठी प्रयत्न करीत आहे. यावेळी अशोक पाटील, अनिल पाटील, सुखदेव माने, जगन्नाथ पाटील, निवृत्ती हांडे, वाय. पी. पाटील यांच्यासह संस्थेचे कर्मचारी व पदाधिकारी उपस्थित होते.