शिराळ्यात आंबेडकर जयंतीनिमित्त स्वच्छता कर्मचाऱ्यांना मिठाई वाटप

शिराळा : शिराळा येथील सिध्दार्थ तरुण मित्रमंडळाच्यावतीने डॉ. बाबासाहेब आंबेडकर यांच्या जयंतीनिमित्त स्वच्छता व आरोग्य कर्मचाऱ्यांना मिठाई वाटप करण्यात आले.

डॉ. बाबासाहेब आंबेडकर जयंतीचे औचित्य साधून जयंतीनिमित्त होणाऱ्या खर्चाला फाटा देत एक वेगळा उपक्रम उपनगराध्यक्ष विजय दळवी यांच्या मार्गदर्शनाखाली मंडळाच्यावतीने राबवण्यात आला. डॉ. बाबासाहेब आंबेडकरांची जयंती साधेपणाने साजरी करण्यात आली. जयंतीनिमित्त होणाऱ्या खर्चास फाटा देत मंडळाच्यावतीने कॉरोनाच्या काळात आपला जीव धोक्यात घालून आरोग्याची काळजी घेणारे स्वच्छता कर्मचारी व आरोग्य कर्मचारी यांना मिठाईचे वाटप करण्यात आले.

यावेळी माजी नगराध्यक्षा अर्चना शेटे, उपनगराध्यक्ष विजयी दळवी, नगरपंचायत अधिकारी अर्चना गायकवाड, कर्मचारी प्रकाश शिंदे, संदीप कांबळे, आनंद कांबळे, राकेश कांबळे, सागर कांबळे, प्रमोद कांबळे, ऋषिकेश कांबळे, आकाश कांबळे, रोहित मोहिते, निहाल बनसोडे, रितेश कांबळे, अमित कांबळे, अनिकेत दळवी, सिध्दार्थ तरुण मित्रमंडळाचे सर्व कार्यकर्ते, स्वच्छता कर्मचारी व आरोग्य कर्मचारी आदी उपस्थित होते.