कृष्णेच्या माध्यमातून शाश्वत विकासाचे स्वप्न पूर्ण होईल

य. मो. कृष्णा सहकारी साखर कारखान्याच्या तज्ज्ञ संचालकपदी दीपकराव पाटील यांची निवड झाल्याबद्दल आनंदराव पवार यांच्याहस्ते सत्कार करण्यात आला. यावेळी राहुल महाडिक, सम्राट महाडिक उपस्थित होते.

लोकमत न्यूज नेटवर्क

इस्लामपूर : कृष्णा कारखानाच्या माध्यमातून जयवंतराव भाेसले यांनी पाहिलेले शाश्वत विकासाचे स्वप्न सत्यात उतरवण्यासाठी डॉ. सुरेश भाेसले सक्रिय झाले आहेत. त्यांनी निष्ठावंत कार्यकर्त्यांना संधी देऊन त्यांना न्याय दिला आहे, असे मत भाजप युवा मोर्चाचे प्रदेश उपाध्यक्ष राहुल महाडिक यांनी व्यक्त केले.

य. मो. कृष्णा सहकारी साखर कारखान्याच्या तज्ज्ञ संचालकपदी तांबवे (ता. वाळवा) येथील दीपकराव पाटील यांचा सत्कार करण्यात आला. यावेळी ते बोलत होते. महाराष्ट्र प्रदेश भाजपा कार्यसमिती सदस्य सम्राट महाडिक, शिवसेना जिल्हा प्रमुख आनंदराव पवार यांची प्रमुख उपस्थिती होती.

सम्राट महाडिक म्हणाले, स्व. जयवंतराव भाेसले यांच्यावर प्रेम करणारे, तसेच निष्ठावंत लोकांचा पाठिंबा, साथ कृष्णेच्या निवडणुकीत मिळाली होती. त्यामुळे डॉ. सुरेश भाेसले व डॉ. अतुल भाेसले यांनी निष्ठावंत कार्यकर्त्यांना संधी दिली, त्याबद्दल त्यांचे आभार मानावे तितके कमी आहेत. यावेळी शिवसेना तालुका प्रमुख सागर मलगुंडे, कमलेश शाह, हर्षवर्धन पाटील, राहुल टिबे, हांबिर निप्रुळ, विशाल जाधव, अभिजित पाटील, अरविंद माळी उपस्थित होते.