सांगलीत कृष्णा नदीत तरुणाचा मृतदेह शोधताना वृद्धेचा सापडला

पाच दिवसांपासून त्याचा महापालिका, हेल्पलाईन टीम, अग्निशमन दल व पोलीस नदीत शोध

सांगली : येथील कृष्णा नदीत बुडालेल्या वेदांत जितेंद्र जगताप (वय १७, रा. यशवंतनगर, सांगली) या तरुणाचा शोध घेत असताना, एका वृद्धेचा मृतदेह सापडला. आज (मंगळवार) सकाळी हा प्रकार घडला. रुक्मिणी विष्णू आरते (८०, रा. गणपती पेठ, सांगली) असे या वृद्धेचे नाव आहे. याबाबत शहर पोलिसांत नोंद आहे. वेदांत हा मूळचा सातारचा आहे. तो मेकॅनिकल डिप्लोमाच्या प्रथम वर्षात शिकत होता. महिन्यापासून तो आईसमवेत यशवंतनगरमध्ये रहात होता. २ आॅक्टोबरला तो मित्रांसोबत कृष्णा नदीवर पोहायला गेला होता. पाण्याचा अंदाज न आल्याने तो बुडाला. त्याचा शोध घेण्यात आला; मात्र तो सापडला नाही. गेल्या पाच दिवसांपासून त्याचा महापालिका, हेल्पलाईन टीम, अग्निशमन दल व पोलीस नदीत शोध घेत आहेत.
मंगळवारी सकाळीही त्याचा शोध सुरू होता. त्यावेळी रुक्मिणी आरते या वृद्धेचा मृतदेह हेल्पलाईन टीमच्या हाती लागला. ही वृद्धा काल (सोमवार) रात्रीपासून घरातून गायब होती. नातेवाईकांनी रात्रभर त्यांचा शोध घेतला. परंतु त्या कोठेच आढळून आल्या नसल्यामुळे नातेवाईक शहर पोलिसांत तक्रार दाखल करण्यासाठी गेले होते. त्यावेळी पोलिसांनी एका वृद्धेचा मृतदेह सापडला असल्याचे सांगितले. मृतदेह पाहिल्यानंतर नातेवाईकांनी तो ओळखला. पाण्यात बुडाल्याने त्यांचा मृत्यू झाल्याचे स्पष्ट झाले आहे. (प्रतिनिधी)

दोन दिवसांपासून शोध
मंगळवारी वेदांत जगताप यांचा सकाळीही शोध सुरू होता. त्यावेळी रुक्मिणी आरते या वृद्धेचा मृतदेह हेल्पलाईन टीमच्या हाती लागला. ही वृद्धा सोमवारपासून घरातून गायब होती. याबाबत शहर पोलीस ठाण्यात फिर्याद देण्यात आली होती.