मत्स्यव्यवसाय विभागाच्या भरतीस स्थगिती देणार

मत्स्यव्यवसाय विभागाच्या पदासाठी मरीन बायॉलॉजी ही पात्रता वगळल्याने पश्चिम महाराष्ट्रातील हजारो तरुणांवर अन्याय झाल्याच्या तक्रारी आल्या आहेत. त्यानुसार मत्स्यव्यवसाय विभागाच्या अधिकाºयांशी संपर्क करुन तातडीने भरतीची

ठळक मुद्देमत्स्य व दुग्धविकास मंत्र्यांचे शिष्टमंडळाला आश्वासन मरीन बायॉलॉजी पात्रता वगळल्याप्रकरणी अधिकाऱ्यांची कान उघडणी

सांगली : मत्स्यव्यवसाय विभागाच्या पदासाठी मरीन बायॉलॉजी ही पात्रता वगळल्याने पश्चिम महाराष्ट्रातील हजारो तरुणांवर अन्याय झाल्याच्या तक्रारी आल्या आहेत. त्यानुसार मत्स्यव्यवसाय विभागाच्या अधिकाºयांशी संपर्क करुन तातडीने भरतीची प्रक्रिया बंद करुन, नव्याने मरीन बायॉलॉजी पात्रतेचा समावेश करुन जाहिरात प्रसिध्द करण्याच्या सूचना अधिकाºयांना दिल्या आहेत, असे आश्वासन मत्स्य व दुग्धविकासमंत्री महादेव जानकर यांनी तरुणांना दिले.

 

‘लोकमत’ने दि. १६ जानेवारी २०१९ रोजी ‘मत्स्यव्यवसाय विभागाच्या पदासाठी मरीन बायॉलॉजी पात्रता वगळली’ या मथळ्याखाली बातमी प्रसिध्द केली होती. यानंतर सांगली, सातारा, कोल्हापूर, सोलापूर जिल्'ातील तरुणांनी प्रा. डॉ. एन. डी. बिरनाळे यांच्या नेतृत्वाखाली मंत्री जानकर यांची रविवारी कºहाड येथे भेट घेतली. यावेळी जानकर यांनी भरतीतील बदल करण्याचे आश्वासन शिष्टमंडळाला दिले.

मंत्र्यांना दिलेल्या निवेदनात म्हटले आहे की, मत्स्यव्यवसाय विकास विभागाच्या ९० जागा भरणार असल्याचे जाहीर करुन तशी जाहिरात प्रसिध्द केली होती. त्यानंतर ‘क’ वर्गातील सहायक मत्स्यव्यवसाय विकास अधिकारी पद भरतीच्या ७९ जागा जाहीर केल्या आहेत. उर्वरित ‘अ’ व ‘ब’ वर्गाच्या ११ जागांची भरती जाहीर केली नाही. सहायक मत्स्यव्यवसाय विकास अधिकारी पदासाठी बी.एफ्.एस्सी. ही पदवी पात्र ठरविली आहे. वास्तविक महाराष्टÑात मत्स्यव्यवसाय विभागात १९८९-९० पासून एम्.एस्सी. (मरीन बायॉलॉजी) पात्रताधारक उमेदवारांची भरती झाली आहे. आजही असे अधिकारी मत्स्यव्यवसाय विभागात सेवेत आहेत. असे असताना केवळ बी.एफ.एस्सी. ही पात्रता ठरविल्याने मत्स्य विभागात गुणवत्तेच्या बाबतीत सरस ठरणाºया एम्.एस्सी. (मरीन बायॉलॉजी) उमेदवारांवर शासनाने अन्याय केला असल्याचा इच्छुक उमेदवारांचा आरोप आहे. मत्स्यव्यवसाय विभागात ‘ब’ व ‘क’ वर्गातील ७९ जागा जाहीर केल्या आहेत. ज्या ७९ जागा भरण्यात येणार आहेत, त्यासाठी व उर्वरित ११ जागांसाठीही एम.एस्सी. (मरीन बायॉलॉजी) ही शैक्षणिक पात्रता ग्रा' धरून सुधारित ९० जागांची फेरजाहिरात द्यावी व अर्ज करण्यास पुन्हा मुदतवाढ द्यावी, अशी मागणी मरीन बायॉलॉजी पात्रतेच्या उमेदवारांनी मंत्री जानकर यांच्याकडे केली.

यावेळी जानकर यांनी मत्स्यव्यवसाय विभागाच्या अधिकाºयांशी संपर्क साधून, मत्स्यव्यवसाय विभागाच्या भरतीमधील जाहिरातीत त्रुटी असल्याच्या तरुणांच्या तक्रारी असून, या तक्रारींची सत्यता पडताळून भरतीला स्थगिती देऊन सुधारित जाहिरात काढण्याची सूचनाही अधिकाºयांना दिली आहे, अशी माहिती प्रा. डॉ. एन. डी. बिरनाळे यांनी दिली.

 मत्स्यव्यवसाय विभागाच्या पदासाठी मरीन बायॉलॉजी पात्रता वगळल्याने पश्चिम महाराष्ट्रातील तरुणांवर अन्याय झाल्याचे निवेदन मत्स्य व दुग्धविकासमंत्री महादेव जानकर यांना प्रा. डॉ. एन. डी. बिरनाळे व अन्य उमेदवारांनी दिले.