इस्लामपुरात बाबासाहेब आंबेडकर यांना अभिवादन

इस्लामपूर : भारतीय राज्यघटनेचे शिल्पकार भारतरत्न डॉ. बाबासाहेब आंबेडकर यांच्या महापरिनिर्वाण दिनानिमित्त येथील तहसील कचेरी परिसरातील त्यांच्या पुतळ्यास शहरवासीयांच्यावतीने नगराध्यक्ष निशिकांत भोसले-पाटील यांनी पुष्पचक्र वाहून अभिवादन केले. नगरपरिषदेमध्येही डाॅ. बाबासाहेब आंबेडकर यांच्या प्रतिमेचे पूजन भोसले - पाटील यांच्याहस्ते करण्यात आले.

यावेळी मुख्याधिकारी अरविंद माळी, उपनगराध्यक्ष दादासाहेब पाटील, पक्षप्रतोद विक्रम पाटील, नगरसेवक प्रदीप लोहार, चेतन शिंदे, नगसेविका कोमलताई बनसोडे, संगीता कांबळे, सुनीता संकपाळ, उपमुख्याधिकारी प्रमिला माने, माजी नगरसेवक भास्कर कदम उपस्थित होते.

रिपब्लिकन पार्टी ऑफ इंडिया इस्लामपूर शहर तसेच वाळवा तालुका महिला आघाडीच्यावतीने डाॅ. बाबासाहेब आंबेडकर यांच्या पुतळयास पुष्पहार अर्पण करून अभिवादन करण्यात आले. यावेळी शहर अध्यक्ष अमर बनसोडे, प्रवीण कांबळे, महिला आघाडी अध्यक्षा मयुरी मेश्राम, चंपाताई कांबळे, संजय कांबळे, विशाल कुदरे, किरण माने, बाळासाहेब कांबळे उपस्थित होते.

फोटो-०६इस्लापुुर०५

फोटो-

इस्लामपूर येथे नगराध्यक्ष निशिकांत भोसले-पाटील यांनी डॉ. बाबासाहेब आंबेडकर यांच्या पुतळ्यास अभिवादन केले. यावेळी दादासाहेब पाटील, विक्रम पाटील, अरविंद माळी, सुनीता संकपाळ, संगीता कांबळे,प् रमिला माने उपस्थित होत्या.